“საცვლებს პარავდა სპეცრაზმელებს… გომელაურის საჩუქრის ფული “მოტეხა” – რა წერილს აქვეყნებს გდდ–ს ახალ შეფზე მედია

“ფორმულას” ცნობით, ყოფილმა სპეცრაზმელმა „შაბათის ფორმულას“ გდდ-ის ახალ უფროსზე, რომან ქარცივაძეზე ინფორმაცია მიაწოდა, სადაც ამბობს, რომ გდდ-ის ახალი “ხარება”, ქარცივაძე „იპარავდა სპეცრაზმელების საცვლებს, იცვამდა და ისე გაჰქონდა განყოფილებიდან… ტუშონკებს, წიწიბურას, ზეთს, საჭმელსაც იპარავდა, რაც სპეცრაზმისთვის იყო განკუთვნილი“

ქარცივაძე, თავად, ქურდობის ფაქტს, მედიასთან უარჰყოფს. თუმცა, ვერ ამბობს, რატომ არ მუშაობდა სისტემაში და “არ ახსოვს” სად მუშაობდა სპეცრაზმის შემდეგ. იგი ვერც იმას “იხსენებს” ალეკო ტაბატაძესთან უმუშავია, თუ არა, ან მისი რეკომენდაციით მოხვდა სისტემაში, თუ არა, ამბობს, რომ არ იცის და ვერ გაიხსენებს.

ყოფილი სპეცრაზმელის წერილის მიხედვით,1999–2000 წლებში იპარავდა სპეცრაზმელების საცვლებს.

მედიის ცნობით, წერილში წერია, რომ რევოლუციის შემდეგ, აჭარაში როცა დაინიშნა ქარცივაძე “იპარავდა საწვავსაც, ტეხავდა საწვავის ტალონებსაც, წიწიბურას, ზეთს, საჭმელსაც იპარავდა. ქურდობის ამ ინციდენტზე შეიტყო ვანო მერაბიშვილმაც.”

წერილის მიხედვით, 2012 წელს, ქარცივაძე დაბრუნდა სისტემაში, როგორც ალეკო ტაბატაძის დაცვის წევრი. წერილის ავტორი ამტკიცებს, რომ გომელაურის დაბადების დღის საჩუქრისთვის. სპეცრაზმელთა შეგროვებული სოლიდური თანხა ქარცივაძემ “მოტეხა” და ამ ამბის გამო სისტემიდან ისევ გაუშვეს, გეკა გელაძის სისტემაში კი, ისევ ალეკო ტაბატაძის დახმარებით დაბრუნდა.

რომან ქარცივაძე ამბობს, რომ ალეკო ტაბატაძის მეგობარია, ალეკო ტაბატაძე კი “ფორმულასთან” არ ადასტურებს მასთან მეგობრობას.