ნიდერლანდების პოლიციამ აღმოაჩინა დროებითი საწამებელი კამერა, რომელსაც კრიმინალები უწოდებდნენ ე.წ სამკურნალო ოთახს. სპეციალური სისტემით, ხმის იზოლაციით უზრუნველყოფილი სატრანსპორტო კონტეინერი, რომელზეც განთავსებული იყო მოძრაობის შემზღუდავი მოწყობილობებით აღჭურვილი სტომატოლოგის სავარძელი, აღმოჩენილ იქნა საწყობში როტერდამთან მდებარე სოფელში ბელგიის საზღვრის სიახლოვეს.
სამართალდამცავი უწყებები თავს დაესხნენ აღნიშულ საწყობს გასულ თვეს, მას შემდეგ რაც მსოფლიო იატაკქვეშა კრიმინალური სატელეფონო დანაშაულებრივი ქსელი, ENCROCHAT -ი „გატეხეს“, რამაც გამომძიებლები მიიყვანა დამნაშავეებამდე. საპოლიციო რეიდების შედეგად მხოლოდ ბრიტანეთში დააპატიმრეს 746 სისხლის სამართლის დამნაშავე.
პოლიციელებმა კონტეინერებში აღმოაჩინეს ისეთი ხელსაწყოები, როგორებიცაა ბორკილები, ფილერები და სკალპელები. აღნიშნულ სათავსოებში ხდებოდა კრიმინალური ჯგუფების მიერ ადამიანების დაპატიმრება, რომლებზეც ხორციელდებოდა ფიზიკური და ფსიქოლოგიური ძალადობა. კონტეინერებზე გაკრული იყო ფოლგები, რომელიც შეუძლებელს ხდიდა სითბოვიზორებისთვის ადამიანების დაფიქსირება შიდა სივრცეში.
ჰოლანდიელთა პოლიციამ რეიდები მას შემდეგ ჩაატარეს, რაც საფრანგეთის პოლიციამ კრიმინალთა საკომუნიკაციო ქსელი გაშიფრა. სამართალდამცველთა თქმით, ზემოხსენებულ სამკურნალო ოთახებში ხდებოდა გატაცებული ადამიანების წამება, რომელთა გასათავისუფლებლად დანაშაულებრივი სინდიკატი გამომძალველობით საქმიანობას ახორციელებდა.
გამოძიების ფარგლებში პოლიციელებმა ნიდერლანდებში 100-მდე ეჭვმიტანილი დააპატიმრეს, ამოიღეს აგრეთვე 8000-ზე მეტი კგ კოკაინი, 1200 კილოგრამ კრისტაული მეტამფეტამინი , განეიტრალიზებულია აგრეთვე 19 სინთეტიკური ნარკოტიკის ე.წ ლაბორატორიებ და ამოღებულია ათობით ცეცხლსასროლი იარაღი.
ნიუპოსტი
კომენტარები