საჭიროა, თუ არა, ვაქცინის მესამე დოზა?

ჯანდაცვის მინისტრის მოადგილე, თამარ გაბუნია, “იმედთან” განმარტავს, საჭირო იქნება თუ არა აცრილი ადამიანებისთვის ვაქცინის მესამე დოზის გაკეთება.

„ფაიზერიც“, „სინოფარმიც“ და სხვა მწარმოებლებიც უკვე აქტიურად საუბრობენ ვაქცინის მესამე, გამაძლიერებელ დოზაზე.

მიმდინარეობს კომბინაციების შესწავლა, მაგალითად თუ „სინოფრამი“ გაიკეთეთ პირველი დოზა და მეორე დოზა „ასტრაზენეკა“ გაიკეთეთ ამისი შედეგი როგორი იქნება, ეს რამდენად უკეთეს იმუნიტეტს ჩამოყალიბებეს. ასევე ის, რომ გამაძლიერებელი დოზა იგივე ვაქცინა უნდა იყოს თუ სხვაც შეიძლება. ამაზე ყალიბდება ახლა მეცნიერება და ვფიქრობთ, რომ მოკლე ხანში ჯანმრთელობის მსოფლიო ორგანიზაციას ექნება მეტად კონკრეტული მითითება, მაგრამ ჯერ ყველანი ორიენტირებულნი არიან, რომ ვაქცინის ორი დოზა ყველამ გაიკეთოს“

“ალია” კი შეგახსენებთ, მესამე დოზის შესაძლო საჭიროებაზე განცხადების გაკეთება ოფიციალურ პირებს, პროფესორმა გიორგი ფხაკაძემ “დაასწრო”, ასევე, ისრაელში მცხოვრები ქართველები გვიყვებიან, რომ ჯერ კიდევ თვეების წინ, როცა ფაიზერის ვაქცინის პირველი და მეორე დოზა გაიკეთეს, ისინი ისრაელის მთავრობამ გააფრთხილა, შესაძლო მესამე დოზის საჭიროებაზე და თარიღიც კი ჩაუნიშნა, როდის შეიძლება მესამე დოზა დასჭირდეთ.

რაც შეეხება ვაქცინების ე.წ. არევას, ანუ, კვლევებს იმის შესახებ, შესაძლებელი იქნება, თუ არა, პირველი დოზა ფაიზერი გაიკეთო და მეორე დოზა ასტრაზენეკა, ამაზეც, გიორგი ფხაკაძემ და მეორე ქართველმა ცნობილმა ექიმმა ზაზა წერეთელმა, თვეების წინ ისაუბრეს “ალიასთან”.

როგორ შეძლება, ჯანდაცვის სამინისტროს, რომელსაც მუდმივად უნდა ჰქონდეს ოფიციალურ წყაროებზე წვდომა, ასეთი მნიშვნელოვანი საკითხების გაშუქება ექიმებმა “დაასწრონ” თითქმის ყოველთვის, ჩვენთვის ამოუცნობია. ხალხში კი, მეტად იმატებს უნდობლობა და მეტად ხშირად გვხვდება კითხვა, რომ არ არსებობდეს რამდენიმე ექიმი, რომელიც ინფორმაციას გვაწვდის, გვეტყოდნენ ჯანდაცვის ოფიციალური წარმომადგენლები ამ ინფორმაციას ოდესმე, თუ არა?

15 აპრილი, გიორგი ფხაკაძე:

“როცა გიკეთებენ ვაქცინას, გაგიკეთეს ერთი დოზა, მეორე დოზა გაგიკეთეს და მესამე დოზა უნდა გაგიკეთონ 5-6 თვეში, რატომ არ გეუბნებიან ამას? არ ვიცი, რა პროტოკოლით აკეთებენ, ისე საუბრობენ, დაბოლილები გეგონება და მრცხვენია. გასაგებია, პოლიტიკურად ხარ ანგარიჟებული, მაგრამ ყველაფერს ხომ საზღვარი აქვს?

ისრაელის ბარათი მაქვს ნანახი, პირველი დოზა, მეორე დოზა და მითითებულია სადამდე არის ვაქცინა ვალიდური და მითითებულია 5 თვე. მე კი არ ვიგონებ?”