ფოტო – მთავარი არხი
მთავარი არხის ინფორმაციით, თელავში სასწრაფო-სამედიცინო დახმარების სამსახურის ავტომანქანა მსუბუქ ავტომობილს შეეჯახა.
შემთხვევა თელავი-ყვარელი გურჯაანის დამაკავშირებელ გზაზე მოხდა.
შეჯახების შედეგად, დაშავებულია ახალგაზრდა კაცი, რომელიც მსუბუქ ავტომობილში იმყოფებოდა. ის ავტომობილიდან მაშველების დახმარებით ამოიყვანეს.
ექიმების განმარტებით, დაშავებულს მოტეხილობები აღენიშნება, ის თელავის რეფერალურ ჰოსპიტალში, ამ წუთებში გადაჰყავთ. ავტომობილში მყოფ სხვა პირებს ექიმები ადგილზე ეხმარებიან.
სასწრაფო-სამედიცინო დახმარების ავტომობილში, არავინ დაშავებულა. შემთხვევის ადგილზე პოლიციაა მობილიზებული.
კომენტარები