ჟურნალისტი, ლაშა ბერულავა, დანი თოფურიას გადარჩენას და პოვნას ეხმაურება და სოციალურ ქსელში, წერს:
სასწაული ამბავი მოხდა წუხელ მარტვილში: 6 წლის ბავშვს ფეხი დაუცურდა (ქვემო ხუნწი) და ცხენისწყალში გადავარდა, დინებამ წაიღო. ეძებდა მთელი მარტვილი+ მაშველები, რამდენიმე საათის განმავლობაში და ბოლოს ცოცხალი და უვნებელი, ოღონდ ღონემიხდილი იპოვეს ნაპირზე გამორიყული: იბრძოლა, არ დაიბნა და ნაპირზე გამოსვლა მოახერხა.ბედნიერი გაიზარდე, პატარავ, ეს ჟინი და ბრძოლისუნარიანობა არ დაგეკარგოს და განგემტკიცებინოს
როგორც ბავშვი ჰყვება, წყალში ჩავარდნის შემდეგ ძალიან შეეშინდა, მაგრამ შემდეგ ხის კუნძს მოეჭიდა და გარკვეული დრო წყალში ტივტივებდა, შემდეგ კი ტალღებმა ნაპირზე გარიყა.
დანი თოფურიას ხუთი საათის განმავლობაში მაშველები და ადგილობრივები ეძებდნენ. როგორც ადგილობრივები ამბობენ, დანის იმაშიც გაუმართლა, რომ გუშინ ცხენისწყალი უჩვეულოდ მშვიდი იყო.
კომენტარები