“საქართველოს სომხეთისგან და მოლდოვისგან განსხვავებით ეს ესმის… მას სჭირდება რუსეთი….” – დუგინი

“ქართული ოცნების” ჰომოფობიურ კანონპროექტს მხარდაჭერას უცხადებს პუტინის იდეოლოგი ალექსანდრ დუგინი. “ოჯახური ფასეულობების დაცვაზე” აპელირებით დუგინი “ოცნების” ლიდერების პროპაგანდისტულ განცხადებებს იმეორებს და წერს, რომ „ქართული ოცნება“ თანმიმდევრულად იცავს საქართველოს სუვერენიტეტს:

“პარტია „ქართული ოცნება“ თანმიმდევრულად იცავს საქართველოს სუვერენიტეტს, მიუხედავად ატლანტიკოსების მცდელობისა, შეარყიოს ვითარება ქვეყანაში და მოახდინოს ხელისუფლებაზე ზეწოლა. საქართველო, სომხეთისგან და მოლდოვისგან განსხვავებით, რომლებთანაც ის ევროკავშირში გაწევრიანებას ცდილობს, ესმის, თუ რა მოჰყვება ჰეგემონის წესების უდავო მორჩილებას: სუბიექტურობის დაკარგვა და სრული პოლიტიკური დამოკიდებულებას აშშ-სა და ევროპაზე. შესაძლოა, თბილისსა და სხვა ქალაქებში საპროტესტო ტალღები გაძლიერდეს და დასავლეთისთვის ეს კიდევ ერთი მიზეზი გახდეს საქართველოში მორიგი ფერადი რევოლუციისთვის, ამიტომ ქვეყანას სჭირდება ისეთი ძლიერი მოკავშირის მხარდაჭერა, როგორიც რუსეთია, რომელთანაც ურთიერთობა აქტიურად მიმდინარეობს და სადაც იზიარებენ ქართველი ხალხის პოზიციას ტრადიციული ფასეულობების მნიშვნელობისა და შენარჩუნების შესახებ.”