ნაციონალური მოძრაობის დელეგაციის ვიზიტი შეერთებულ შტატებში – პარტიის თავმჯდომარემ პირველი შეხვედრა ჯეიმს თაუნის ფონდის პრეზიდენტთან გამამრთა. ნიკა მელიამ და გლენ ჰოუარდმა განიხილეს საქართელოში არსებული პოლიტიკური ვითარება. შეხვედრაზე ფონდის პრეზიდენტმა აღნიშნა, რომ სახელმწიფო დაპყრობილია და მას ერთი პარტია აკონტროლებს.
ნიკა მელიასთან შეხვედრამ ჩემზე დიდი შთაბეჭდილება მოახდინა. ციხეში ყოფნის დრო მან საქართველოზე ფიქრში გაატარა. საქართველოში რთული მდგომარეობაა, ის დაპყრობილია და მას ერთი პოლიტიკური პარტია აკონტროლებს.
საქართველოს მომავალი მრავალპარტიული უნდა იყოს. ეს პარტიები უნდა გაძლიერდნენ, რათა გარეშე მტერს გაუწიონ წინააღმდეგობა.
ვფიქრობ, რომ ნიკა მელია და მისი მსგავსი პოლიტიკოსები არიან საქართველოს ძლიერი ევროატლანტიკური მომავლის გარანტორები – განაცხადა გლენ ჰოუარდმა.
ნიკა მელიამ აღნიშნა, რომ ქვეყანაში არსებული სიტუაციის გამო ,,ნაცმოძრაობას” მსგავსი შეხვედრების ჩატარების საშუალება არ ჰქონდა.
ჩვენი სტარატეგიული პარტნიორები ამომწურავად არიან ინფორმირებულები ყველა მიმართულებით და თუკი რამეზე ვნანობ, გულახდილად ვიტყვი, რომ ,,ენმ”-ს ბოლო 5 წლის განმავლობაში მსგავსი შეხვედრების ჩატარების შესაძლებლობა არ ჰქონდა – განაცხადა ნიკა მელიამ.
,,ნაციონალური მოძრაობის” დელეგაცია ამერიკაში 12 ივნისს ჩავიდა.
დღეს გაიმართება ,,ენმ”-ს შეხვედრები სახელმწიფო დეპარტამენტის წარმომადგენლებთან და ატლანტიკურ საბჭოსთან.
წყარო – ტვ პირველი
კომენტარები