პოლიტიკის ექსპერტი ვახტანგ ძაბირაძე “2020NEWS“-თან აცხადებს, რომ საპატრიარქოში დაგროვდა ბევრი პრობლემა, რომელთა გარჩევით ახლა არიან დაკავებული მაღალი სასულიერო იერარქიის წარმომადგენლები.
“საპატრიარქოში ახლაც მიდის ბრძოლა, ვინ უნდა იყოს მომავალი პატრიარქი. ამ ინსტიტუციაში ბევრი ბრობლემა დაგროვდა და ახლა ამ პრობლემასთან დაკავშირებული საკითხების გარჩევა მიმდინარეობს. იგივე, საუბარია ე.წ. ციანიდის საქმეზე, რომელთან დაკავშირებით, ბევრი კითხვა ჯერ კიდევ პასუხგაუცემელია.
რაც მთავარია, საპატრიარქო ახლა ცდილობს, რომ საკუთარი გავლენა მრევლის შიგნით მოიპოვოს, რაც კონკრეტული სასულიერო პირების მხრიდან გამოყენებული იქნება იმისთვის, რომ პატრიარქის ტახტი დაიკავოს. სამწუხარო რეალობაა, მაგრამ ქვეყანაში არსებული ვითარების ფონზეც კი, საპატრიარქო საკუთარი გავლენების მოსაპოვებლად იბრძვის.
ახლა პრობლემებია, როგორც-ხელისუფლებაში, ისე-ეკლასიაში. ორივე ინსტიტუცია ვალდებულია, რომ ხალხს ემსახუროს. სამწუხაროდ, ეკლესია საკმაოდ რისკიან ნაბიჯზე მიდის, როცა ღვთისმსახურების წესს არ ცვლის.
სასულიერო პირებს მაინც უნდა ესმოდეთ, რომ თავყრილობის დროს ალბათობა იმისა, რომკორონავირუსი გავრცელდეს, ძალიან მაღალია. ეკლესია უნდა იცავდეს ერის ინეტერსებს, თორემ მას მსახურების ჩატარებას არავინ უკრძალავს“
წყარო – 2020ნიუსი
კომენტარები