პოლიტოლოგი, ლევან ლორთქიფანიძე:
გერმანიაში ახლო აღმოსავლეთის კონფლიქტის ერთ-ერთმა ყველაზე ცნობილმა და გავლენიანმა ექსპერტმა – მურიელ ასსებურგმა, რომელიც ავტორიტეტული სამეცნიერო-კვლევითი ფონდის Stiftung Wissenschaft und Politik სპეციალისტია, გაზეთ Die Zeit-სთვის სპეციალური სტატია დაწერა.ტექსტში ახლო აღმოსავლეთის მკვლევარმა ღაზას სექტორში მოვლენების განვითარების 4 ძირითადი შესაძლო სცენარი განიხილა:
ჰამასის თავდასხმამდე არსებულ გამმიჯნავ ხაზებთან დაბრუნება და სექტორის კიდევ უფრო მკაცრი ბლოკირება.ისრაელის ეროვნული არმია უბრუნდება ტერორისტულ თავდასხმამდე არსებულ საზღვრებს, მაგრამ იწყებს სექტორის სრულ ბლოკირებას. ისრაელის თავდასხმების შემდეგ ჰამასი უკიდურესად სუსტდება, მაგრამ აგრძელებს არსებობს, რადგან მრავალი ჯარისკაცი ჰყავს და სექტორის მოსახლეობის ფენებში ღრმად აქვს ფესვები გადგმული.
ამ სცენარის განხორციელების შემთხვევაში იზრდება ღაზის საზღვრის ორივე მხარეს ბუფერული ზონები, ზონებში იკრძალება გადაადგილება და სასოფლო-სამეურნეო საქმიანობა. ისრაელის მხრიდან შეუძლებელი გახდება სექტორში რაიმე პროდუქტის შეტანა ან გამოტანა, სამუშაო ძალის გადაადგილება. ტერიტორია მთლიანად დამოკიდებული გახდება ეგვიპტიდან ჰუმანიტარული ტვირთით მომარაგებაზე.
ღაზას სექტორიდან ასობით ათასი ადამიანის თანდათანობით განდევნაპალესტინელებს ყველაზე მეტად ამ სცენარის ეშინიათ. თუ ისრაელის არმიის სახმელეთო ოპერაცია და დაბომბვები წარმატებით გაგრძელდება და შეტევის ინტენსივობა ნელ-ნელა მოიმატებს, პარალელურად კი უკიდურესად გამწვავდება ჰუმანიტარული კატასტროფა, ხალხი ეგვიპტის საზღვარს მიაწყდება. ეგვიპტემ პირდაპირ განაცხადა, რომ არ არის მზად ლტოლვილთა ნაკადების მისაღებად. ძნელი სათქმელია, რა ზომებს მიიღებს კაირო გამოქცეული ხალხის შესაჩერებლად.
ეგვიპტეში პალესტინელებს განსაკუთრებული პერსპექტივები არ ელით. შესაბამისად, მოსალოდნელი იქნება გასაბერი ნავებით ხმელთაშუა ზღვის დალაშქვრის მორიგი ტრაგიკული ოდისეას დაწყება. ევროპა კიდევ ერთხელ აღმოჩდნება მიგრაციის ტალღის დარტყმის ქცეშ.
ისრაელის ულტრამემარჯვენე, აგრესიული პოლიტიკური ძალები ამ სცენარით ემუქრებიან ღაზას, ეგვიპტესა და ევროკავშირს.
საერთაშორისო სამხედრო მისია იზრუნებს ღაზის სექტორში წესრიგის აღდგენაზე.მესამე სცენარი ყველაზე ნაკლებად სავარაუდოა. აღნიშნული ვარიანტის მიხედვით, გაეროს უშიშროების საბჭომ ძლიერი სამხედრო მისია უნდა გააგზავნოს ღაზის სექტორში. სამხედრო ადმინისტრაციამ რამდენიმე წლით ღაზაში წესრიგისა და უსაფრთხოების დამყარებაზე უნდა აიღოს პასუხისმგებლობა, ბოლოს კი მმართველობა რამალას (პალესტინის მთავრობას) გადააბაროს.
თითქმის წარმოუდგენელია უშიშროების საბჭოს წევრები – აშშ, ჩინეთი, რუსეთი საერთო სამხედრო ნაწილებისა და ადმინისტრაციის ჩამოყალიბებაზე შეთანხმდენენ.
ღაზას სექტორის სექტორის გახსნა საერთაშორისო და რეგიონალური უსაფრთხოების გარანტიების პირობებში.ახლო აღმოსავლეთის რეგიონში უკვე საკმაოდ არიან არაბული სახელმწიფოები, რომელებიც ისრაელთან ურთიერთობების დარეგულირებას ესწრაფვიან. შესაძლებელია შედგეს ყურის ზოგიერთი ქვეყნის, საუდის არაბეთისა და ეგვიპტის კოალიცია, რომელსაც აშშ, ერვოკავშირი და საერთაშორისო ორგანიზაციები ირიბად გაუმაგრებენ ზურგს. კოალიციის ჯარები და ადმინისტრაცია შევა ღაზას სექტორში და შეეცდება წესრიგის დამყარებას. შედეგად, ნელ-ნელა რეგიონალური და საერთაშორისო უსაფრთხოების გარანტიების შექმნის ფონზე ღაზას სექტორის სრული ბლოკირება შეწყდება.
—
სამწუხაროდ, კეთილსაიმედო სცენარების განხორციელების შანსები მცირეა. ასსებურგი მიიჩნევს, რომ ყველაზე რეალისტური პირველი ან მეორე ვარიანტების აღსრულებაა, რაც კონფლიქტის გაყინვის წინაპირობადაც კი არ გამოდგება.
კომენტარები