ბოლო პერიოდში, საქართველოში დასაქმების პრობლემაზე მეტი და მეტი ადამიანი საუბრობს. სტუდენტები ამბობებ იმასაც, რომ სწავლობენ, თუმცა, არ აქვთ იმედი, ოდესმე, პროფესიით იმუშავებენ, თუ არა.
ამ კუთხით, ძალიან უმართლებთ ადამიანებს, რომლებიც ელექტროობას სწავლობენ. ბაზარზე წამყვანი კომპანია „ენერგო–პრო ჯორჯია“ ჯერ კიდევ სწავლის პროცესიდან იწყებს მათთან კომუნიკაციას, აწესებს სტიპენდიებს, სთავაზობს სტაჟირებას და შემდგომ დასაქმებას,
ყოფილა შემთხვევა, კომპანიას სტიპენდია კონკრეტული ახალგაზრდებისთვის, პირდაპირ ეთერში შეუთავაზებია, თუმცა, აქამდე არასოდეს ყოფილა შემთხვევა სტუდიაში, ინტერვიუს მსვლელობისას, დასაქმება შეეთავაზებინოთ რომელიმე მათგანისთვის.
„ბლექსის“ სტუდენტი, გიორგი ჭელიძე, რომელიც გადაცემა ენერგო მეტრის ახალი სეზონის პირველი სტუმარი იყო, ვერც კი წარმოიდგენდა, რომ ინტერვიუს დროს, გადასცემდნენ ხელმოწერილ ხელშეკრულებას, ღია თარიღით. „ალიასთან“ ამბობს, რომ იმდენად დიდი იყო სიხარული, რომ გამოხატვაც კი ვერ შესძლო.
გიორგი უკვე სტიპენდიანტიაა კომპანიის, სწავლის დასრულების შემდგომ, მას უნდა გაევლო სტაჟირება და მხოლოდ ამის შემდეგ ჰქონდა კომპანიაში დასაქმების შანსი. იგი, ენერგო მეტრის წამყვანს, ბექა რომანაძეს უყვებოდა, რომ დიდი იმედი აქვს, ყველა იმ საფეხურს გაივლის, რაც მათთან დასაქმებას და ენერგო–პრო ჯორჯიას დიდ ოჯახში დამკვიდრებას მოუტანს.
გიორგი ყვებოდა, რომ სტუდენტები, იმის მიხედვით არჩევენ პროფესიას, რამდენად მზარდი და განვითარებადია, ესა თუ ის სპეციალობა, ამბობდა, რომ ელექტრიკოსობა მასშტაბური პროფესიაა, „სადაც არ უნდა მიხვიდე და გაიხედო, ყველა დაწესებულებაში, იქნება ეს კულინარიული საწარმო, მშენებლობა, საავადმყოფო, ელექტროობის სპეციალისტი სჭირდებათ. მასშტაბური, პერსპექტიული პროფესიაა“, – თქვა მან და ნამდვილად ასეა, მაგალითად, ამ გადაცემის ჩასაწერადაც, სადაც დასაქმება მოიპოვა, ელექტროობაა საჭირო. რაც ყველაზე მთავარია, კარგი სპეციალისტი ამ კუთხით, უსაფრთხოების გარანტიაცაა.
თუმცა, მთელი ინტერვიუს მანძილზე, როცა გიორგი ჭელიძე საუბრობდა პროფესიაზე, მის მასშტაბურობაზე, აღნიშნავდა, რომ მისი ოცნება კონკრეტულად ენერგო–პრო ჯორჯიაში მუშაობაა, რადგან სწორედ აქ წარმოუდგენია ყველაზე დიდი კარიერული წინსვლა. ამბობდა, რომ ერთი სული აქვს, თეორიული სწავლა გაამყაროს პრაქტიკაში და დაიწყოს სტაჟირება კომპანიაში, სადაც მუშაობის დაწყება, მისი მთავარი მიზანია.
ენერგო–მეტრის გადაცემის მსვლელობისას, სტუდიაში შევიდა კომპანიის ადამიანური რესურსების დეპარტამენტის უფროსი, გიორგი ტრაპაიძე და მოულოდნელად, სტუდენტს, რომელიც ფიქრობდა, რომ ჯერ სწავლა უნდა დაესრულებია, შემდეგ სტაჟირება გაევლო და მხოლოდ შემდეგ ეცადა ბედი, დასაქმების პროგრამაში, პირდაპირ დასაქმება შესთავაზა:
„გიორგის ახლავე მინდა შევთავაზო ჩვენს კომპანიაში დასაქმება. ეს არის ხელშეკრულება, რომელიც ფილიალის დირექტორის მიერ ხელმოწერილია, მხოლოდ თარიღი აქვს დასასმელი. როგორც კი გადაწყვეტ, რომ მზად ხარ ჩვენს კომპანიაში დასაქმებისთვის, თარიღს დასვამ და ხელს მოაწერ“ – ამბობს გიორგი ტრაპაიძე.
ტრაპაიძემ გადაცემაში თქვა ისიც, რომ გიორგიზე ბევრი კარგი სმენია, იცის, როგორ კარგად სწავლობს, პერსპექტიულია, როგორი დიდი სურვილი აქვს მათ გუნდს შეუერთდეს და ამიტომ თამამად შესთავაზეს სამსახური.
გიორგი ტრაპაიძე ამბობს, რომ ამ სფეროში, პირველი და უმთავრესი, მოტივაციაა, რადგან, თუ ადამიანი მოტივირებულია, პროფესიას სახელმწიფო კოლეჯებში უსასყიდლოდ ეუფლება, მეტიც, კომპანია სთავაზობს სტიპენდიას, სტაჟირებას და შემდგომში დასაქმების და კარიერულ წინსვლას. იმის დასადასტურებლად, რომ პროფესიას არ აქვს სქესი, ნებისმიერი ქალი, რომელიც ამ პროფესიის შესწავლას გადაწყვეტს, ავტომატურად ხდება კომპანიის სტიპენდიანტი.
რაც შეეხება კარიერულ წინსვლას, არც ესაა ცარიელი სიტყვები, მაგალითად, ვალენტინა ზიბზიბაძე ჯერ იყო კომპანიის სტიპენდიანტი, შემდეგ სტაჟიორი, შემდეგ ტექნიკოს–ელექტრიკოსი და მოკლე დროში, ერთ–ერთი ყველაზე დიდი უბნის უფროსი გახდა.
რაც შეეხება გიორგი ჭელიძეს, რომელიც მოულოდნელმა სიხარულმა და „სამსახურმა სტუდიაში“ იმდენად დააბნია, რომ როგორც ამბობს, გამოხატვაც გაუჭირდა ემოციის, მას უკვე აუხდა ერთი ოცნება, იგი ენერგო–პრო ჯორჯიას დიდი ოჯახის წევრი გახდა. ამბობს, რომ კარგად ესმის, რამდენად მნიშვნელოვანია მისი პროფესია ნებისმიერი სფეროსთვის, ეს არის, ალბათ, ის მოტივაცია, რომლითაც ადამიანს ბევრის მიღწევა შეუძლია, მით უფრო, ასეთი პროფესიული დახმარებების ფონზე და ვფიქრობ, გიორგი, ბევრს მიაღწევს კარიერულად.
„შინაგანად სულ ვიცოდი, რომ ჩემი მომავალი სამსახური, შესაძლოა, დაკავშირებული ყოფილიყო ამ ენერგოკომპანიასთან. მქონდა დაგეგმილი სტაჟირების გავლა და შემდგომ, აუცილებლად უნდა მეცადა დასაქმება. თუმცა, გადაცემის ჩაწერისას, იმ დღეს თუ მივიღებდი უკვე კონკრეტულ შეთავაზებას – არ ველოდი. შეიძლება გარეგნულად ვერც გამოვხატე, იმდენად ემოციური იყო. კიდევ ერთხელ მივხვდი, რომ პროფესიის არჩევისას არ შევმცდარვარ“- თქვა კოლეჯ ,,ბლექსის“ სტუდენტმა გიორგი ჭელიძემ ‘ალიასთან“.
(R)
კომენტარები