სამხრეთაფრიკელმა ქალმა ათი შვილი გააჩინა

ფოტო – BBC

37 წლის სამხრეთაფრიკელმა ქალმა, გოსიამე თამარა სიტოლემ, 10 ბავშვი გააჩინა. ინფორმაციას ავრცელებს BBC-ი სამხრეთ აფრიკის ოფიციალური პირების მონათხრობზე დაყრდნობით.

“შვიდი ბიჭი და სამი გოგო შეგვეძინა. ძალიან ბედნიერი ვარ, ემოციური მომენტია”. – ამბობს ბავშვების მამა

მშობლების თქმით, ექოსკოპიაზე მხოლოდ 8 ბავშვი ჩანდა. 10 პატარას სახლში 2 დედმამიშვილი ელოდება.

სავარაუდოდ, სიტოლე მსოფლიო რეკორდსმენია. ერთი თვის წინ აფრიკის კონტინენტს კიდევ ერთი მრავალშვილიანი დედა შეემატა, 25 წლის მალელმა ჰალიმა სისემ 9 ბავშვი გააჩინა.