“ალია” წარმოგიდგენთ ბოლო სამი დღის განმავლობაში ქვეყანაში არსებულ კრიმინოგენული ვითარებას:
21 ოქტომბერი
1. ყაჩაღური თავდასხმა „საქართველოს ბანკის“ ზუგდიდის ფილიალზე.
2. დმანისში „ქართული ოცნების” ოფისთან სროლის შედეგად 4 ადამიანი დაჭრეს.
შინაგან საქმეთა სამინისტროში აცხადებენ, რომ გამოძიება ორი მუხლით მიმდინარეობს: სისხლის სამართლის კოდექსის 236-ე (იარაღის უკანონო ტარება) და 117-ე (ჯანმრთელობის განზრახ მძიმე დაზიანება) მუხლებით.
22 ოქტომბერი
3. ხეთაში მამაკაცი ცემის შედეგად გარდაიცვალა. თვითმხილველების თქმით, მამაკაცს სასტიკად მისივე ნათესავი გაუსწორდა. მომხდარზე შსს-მ გამოძიება 117-ე მუხლით დაიწყო.
4.მკვლელობა მარტყოფში – დაკავებულია 16 წლის არასრულწლოვანი. თანასოფლელს – 2001 წელს დაბადებულ ზ.ხ.-ს ცივი იარაღის გამოყენებით სხეულზე ჭრილობები მიაყენა. დაჭრილი მამაკაცი საავადმყოფოში მიყვანისთანავე გარდაიცვალა. გამოძიება განზრახ მკვლელობის ფაქტზე, სისხლის სამართლის კოდექსის 108-ე მუხლით მიმდინარეობს.
5. ქობულეთში, საინკასაციო სამსახურის თანამშრომელი გაძარცვეს. ფაქტზე შინაგან საქმეთა სამინისტრომ გამოძიება 178-ე მუხლით დაიწყო, რაც ძარცვას გულისხმობს.
23 ოქტომბერი
6.ზუგდიდში მანქანა გაიტაცეს და ბენზინგასამართი სადგურის ოპერატორი დააყაჩაღეს. ამ ეტაპზე პოლიცია ოპერატიულ სამძებრო სამუშაოებს ატარებს. შსს-ს ცნობით, საქმეზე გამოძიება საქართველოს სისხლის სამართლის კოდექსის 179-ე მუხლით მიმდინარეობს, რაც ყაჩაღობას გულისხმობს.
7.ბათუმში საკონდიტრო საცხობი „საამო“ გაქურდეს. როგორც მაღაზიის მესაკუთრე ამბობს, წაღებულია თანხა. შსს-მ გამოძიება სისხლის სამართლის კოდექსის 177-ე მუხლის საფუძველზე დაიწყო, რაც ქურდობას გულისხმობს.
8.თბილისში ცნობილი ქართველი დიზაინერის, ზვიად ციკოლიას მაღაზია გაქურდეს. ამის შესახებ ინფორმაციას სოციალურ ქსელში თავად ციკოლია ავრცელებს. ის ქურდობის ამსახველ ვიდოკადრებსაც აქვეყნებს.
9.ავჭალაში მოკლულია ახალგაზრდა მამაკაცი. მას სასიკვდილო ჭრილობები ცეცხლსასროლი იარაღიდან აქვს მიღებული.
“ალიას” ინფორმაციით, აქედან მხოლოდ 2 დამნაშავეა ნაპოვნი, მხოლოდ 2 საქმეა გახსნილი ამ ეტაპზე.
მართალია, პრემიერმა თქვა, რომ დანაშაულის გახსნას დანაშაულის სტატისტიკასთან არ აქვს კავშირი, მაგრამ რამდენი დამნაშავე იმეორებს დაუსჯელობის შემთხვევაში დანაშაულს, ეს სტატისტიკა არ აქვს როგორც ჩანს პრემიერს!
კომენტარები