სალომე ზურაბიშვილი ლიეტუვის პრეზიდენტს, გიტანას ნაუსედას შეხვდა. ინფორმაციას საქართველოს პრეზიდენტის პრესსამსახური ავრცელებს. აუდიენციის შესახებ მოგვიანებით დაწერა თავად სალომე ზურაბიშვილმაც:
“შევხვდი პრეზიდენტ გიტანას ნაუსედას, რათა განგვეხილა სიტუაცია და გაზრდილი რეპრესიები საქართველოში. ისინი, ვინც რუსეთის დავალებებს ასრულებენ, პასუხი უნდა აგონ. მადლობას ვუხდი ლიეტუვას ახალი, თავისუფალი და სამართლიანი არჩევნებისთვის, ჩვენი ბრძოლის მხარდაჭერისთვის”– წერს პრეზიდენტი სალომე ზურაბიშვილი X-ზე.
ზურაბიშვილმა უკვე გამართა აუდიენცია ევროპარლამენტარ ნატალი ლუაზოსთან.
“მიუნხენში, ამერიკის ვიცეპრეზიდენტის სკანდალური გამოსვლის შემდეგ, სასიამოვნო იყო საქართველოს პრეზიდენტის ნახვა. სალომე ზურაბიშვილი ლიდერია, რომელსაც ევროპის სჯერა, იცის, საიდან მომდინარეობს საფრთხე და ვინ ესხმის თავს ჩვენს დემოკრატიას”, – წერს ნატალი ლუაზო X-ზე.
შეგახსენებთ, რომ სალომე ზურაბიშვილი მიუნხენის უსაფრთხოების კონფერენციაზე იმყოფება. ვიზიტის ფარგლებში, ზურაბიშვილი შევხდა უკრაინის საგარეო საქმეთა მინისტრს, შეხვდა ევროპოლის აღმასრულებელ დირექტორს, კეტრინ დე ბოლს. შეხვედრა შედგა ლატვიის პრეზიდენტთან, ედგარ რინკევიჩთანაც
კომენტარები