“ნაციონალური მოძრაობის” წევრი, ზვიად კუპრავა, შიდაპარტიულ არჩევნებს ეხმაურება და წერს:
“ენმ-ში დაანონსებული შიდაპარტიული არჩევნები მიხეილ სააკაშვილის საკითხის გადაწყვეტამდე არ ემსახურება პარტიის გაძლიერებას. ისევე როგორც პარტიის თავმჯდომარის არჩევნების ეტაპზე არ გატარებულა პარტიის საუკეთესო ინტერესი.
არგუმენტი, თითქოს არჩევნების ამ ეტაპზე გაუქმების, ან მისი დროში გადატანის მოწოდებით, პარტიაში პოლიტიკური პროცესის შეწყვეტისკენ მოუწოდებდეს ვინმე ვინმეს, არ არის რელევანტური და წარმოადგენს დემაგოგიურ პროპაგანდას.
საგანგებო მდომარეობაში არჩევნები არ ინიშნება.
მიხეილ სააკაშვილის მდგომარეობის გათვალისწინებით კი ამაზე მეტი საგანგებო მდგომარეობა პარტიას არასოდეს არ ჰქონია და არც მომავალში ექნება.
თავმჯდომარის არჩევნებით გახლეჩვამდე მისულ ენმ-ს ორგანიზმი, ახლა 63 ჯერ დავიყოთ და დავცხოთ ერთმანეთს?!
ეს აზრი ვისაც თავში მოგივიდათ, გთხოვთ გონს მოდით და გაეშვით ამ გაუმართლებელ ექსპერიმენტებს.
ჩემი ოპოზიციური ბიოგრაფიის გათვალისწინებით, ნამდვილად მქონდა სურვილი მონაწილეობა მიმეღო შიდაპარტიულ არჩევნებში, ნებისმიერ კონკურენციაში.
მაგრამ, არსებული საგანგებო ვითარებიდან გამომდინარე მივიღე გადაწყვეტილება ამ ეტაპზე არ შევიდე საარჩევნო პროცესში და არ მივიღო მონაწილეობა არც ერთი დონის შიდაპარტიულ არჩევნებში.
მოუხედავად ამისა, ვრჩები პარტიაში და ვაგრძელებ ბრძოლას რეჟიმის წინააღმდეგ, მიხეილ სააკაშვილის სიცოცხლისთვის.
#თავისუფლება მიშას!”
კომენტარები