ნიკა მელიასა და ირაკლი კობახიძის დაპირისპირების შემდეგ, “ქართული ოცნების” ოფისში ბრიფინგი გაიმართა. მამუკა მდინარაძეს ჰკითხეთ, რამდენად იქნება უზრუნველჰყოფილი სიმშვიდე ევროკავშირის ოფისთან, მაშინ როცა იქ მობილიზებულია “ოცნების” ახალგაზრდული ფრთა და ისინი ნიკა მელიას გამოსვლას ელოდებიან. მდინარაძემ თქვა, რომ მან პირადად დაურეკა ვინც იცნო და ვისი ნომერიც მოიძია.
მამუკა მდინარაძე:
“ის რაც იქ შეიძლება მოხდეს, თუნდაც სიტყვიერი კამათი, როგორც პირად საუბრებში გვეუბნებოდნენ, რომ ვეტყვით იმას, რასაც იმსახურებს, ესეც კი გამოიწვევს მძიმე პროვოკაციას და ნუ გავაკეთებთ იმას, რაც ნაცმოძრაობას აწყობს. წაგებული აქვს პირწმინდად არჩევნები, როგორც ჩანს ნიკა მელია გააღიზიანა ახალმა კვლევებმა, სადაც კახა კალაძეს კიდევ უფრო გაზრდილი აქვს რეიტინგები და ამ გაღიზიანების ფონზე მას დარჩენია მხოლოდ მძიმე პროვოკაციაზე წასვლა.
დღე და ღამე ერთად ვართ შტაბში მე და ირაკლი კობახიძე და მე არ გამიგია მისი გინება და გამოსტყუა დედის გინება. წარმოიდგინეთ, სადამდე მიიყვანა ეს ძალიან გაწონასწორებული ადამიანი, დედის გინება გამოსტყუა. უმძიმესია. ირაკლიმ თქვა, რომ თავის თავზე გამოსცადა რა მძიმე მოსათმენია ეს პროვოკაციები, მაგრამ ყველას ვთხოვ, არ წამოვეგოთ პროვოკაციაზე. მესმის, რომ ეს არის ურთულესი მოსათმენი მაგრამ უნდა მოვითმინოთ მდაბიო პროვოკაციები საერთო საქმისთვის, ამ ქვეყნისთვის. თავად ის ფაქტიც, რომ ევროკავშირის ოფისის წინ კრიმინალი მელია პროვოკაციას აწყობს, იმაზე მეტყველებს, რომ მას არ აინტერესებს, ევროკავშირის ოფისის მიმდებარედ იქნება, თუ სხვა ადგილზე. მისი მიზანია ერთი, ვინმე წამოაგოს პროვოკაციაზე. “
კომენტარები