საქართველოს სტრატეგიული ანალიზის ცენტრის დამფუძნებლის, ნოდარ ხარშილაძე „ინტერპრესნიუსთან“ საუბრისას ამბობს:
„ბიძინა ივანიშვილი სინამდვილეში არ მიდის არსად. ის მიდის, როგორც 2013-ში წავიდა, ოფიციალურად ჩამოშორდება პოლიტიკას, მაგრამ სინამდვილეში მართვის სადავეებს შეინარჩუნებს. სწორედ ირაკლი კობახიძე არის ის ადამიანი, ვინც ყველაზე აქტიურად არის მისი გავლენის ქვეშ და ვისი პირითად აჟღერებდა ის ყველაფერს, რაც უნდოდა ეთქვა და ეს ასეც გაგრძელდება. მას პირდაპირი კონტაქტი ექნება ძალოვნებთან, რომელთა ნაწილიც მისი დაცვის წევრები იყვნენ, ნაწილი კი გუნდის აქტიური წევრები. არანაირად არ აპირებს ამ ყველაფრის დათმობას. ეს უფრო პასუხისმგებლობის ჩამოშორებაა, ვიდრე წასვლა სინამდვილეში, რასაც ასევე მოწმობს ის, რომ ქონებაც კი თავისივე ფონდში გადაეტანა, რათა მას არაფერი მოეთხოვოს რამე რომ იყოს. სინამდვილეში, მისი ქონება დასავლეთშია და ეს ყველაფერი ზღვაში წვეთია. ჩვენ ვნახეთ, რომ პანამაშიც კი ათეთრებს ფულს ბიძინა ივანიშვილი. ეს არის კარგად დადგმული სპექტაკლი, რომელიც მას მისი აზრით საშუალებას აძლევს ძალიან რთულ დროს მოერიდოს და მას არაფერი დაბრალდეს. ასევე, საერთაშორისო არენაზეც არანაირი პრობლემები არ შეიქმნას.
ივანიშვილიც იქნება იმ ფორმით, რა ფორმითაც არის. რასაც აჟღერებდა კობახიძე იგივეს გააჟღერებს.
თუ დასავლეთმა მოინდომა, რომ სერიოზულად დააკვირდეს ივანიშვილს და ამის ალბათობა არის, არავინ ამით არ მოტყუვდება. გასაგებია ყველასთვის სინამდვილეში დღეს ვინ მართავს ქვეყანას. თორემ ერთხელ უკვე ვიხილეთ ეს „ტრიუკი“, მისივე სიტყვებით რომ ვთქვათ.
რაც შეეხება დაბრუნების ალბათობას, ეს, რა თქმა უნდა, არის. გააჩნია როგორი იქნება სიტუაცია. შესაძლოა ეს იყოს ერთ წელიწადში, ორ წელიწადში, ან საერთოდ არ მოხდეს.
არსად არ წასულა და სად უნდა დაბრუნდეს? ლეგალურად პარტიის თავმჯდომარე იქნება თუ არა მისთვის არანაირი მნიშვნელობა არ აქვს“
კომენტარები