“სად გაიზარდეთ? ამით თქვენ იგდებთ თავს… ხელებაწეულები დაგამარცხებთ” – ნიკა მელია

“ენმ”-ის თავმჯდომარე, ნიკა მელია, თავისუფლების მოედანზე გამართულ აქციაზე, ამბობს:

“…ღარიბაშვილებს და კობახიძეებს… სად გაიზარდეთ, ვინ გასწავლათ, როგორ იქცევით, დატყვევებულ ადამიანს, რომელიც შიმშილობს და არავინ იცის ხვალ და ზეგ მის ჯანმრთელობას რა ბედი ეწევა, რა შეურაცხყოფებს აყენებთ, როგორ იგდებთ, გგონიათ ამით ჩვენ გვაყენებთ შეურაცხყოფას? არა, ამით თავს იგდებთ. არ მინდა ივანიშვილი ვიხილო ციხეში, მაგრამ თუ აღმოჩნდება ციხეში, ნაციონალური მოძრაობის არც ერთი ლიდერი არ დასცინებს. რაც არ გვკლავს, გვაძლიერებს, რაც არ კლავს სააკაშვილს, აძლიერებს. როგორ ვერ უნდა მოვიგოთ 30 ოქტომბერს, ხალხო, არ გაუვათ. დავალება აქვთ მიცემული, თბილისში თითოეულ უბანში, 4 პირადობის მონაცემები მიუტანონ შტაბის უფროსებს, ცდილობენ კარუსელები დაატრიალონ. სად არის გამოსავალი? პირველ ტურში ასი ათასი თბილისელი არჩევნებში არ გამოცხადდა. უმრავლესობა უნდა მივიდეთ და არჩევნების შემდეგ, ყველა ვარიანტში ვიკრიბებით თავისუფლების მოედანზე და როგორ მოვიქცევით ეს დამოკიდებული იქნება ივანიშვილზე. ხელებს ავწევთ და ხელებაწეულები დაგამარცხებთ.”