საკრებულოს ყოფილი დეპუტატი, სოსო მანჯავიძე:
“მართლაც სრულიად უნიკალური ხალხი ვართ ქართველები!
საოცარი და თვითმყოფადია ჩვენი ენა, სიმღერა, ცეკვა, მიღწევები ხელოვნებაში და მეცნიერებაში.
მაგრამ ეს ყველაფერი ფერმკრთალდება ჩვენი პოლიტიკური კულტურის ფონზე.
სად არის სხვა მიშა, სხვა შალვა, სხვა ხერხეულიძე, სხვა გუბაზი ან მამულაშვილი?
სად არიან ასეთი გემოვნებით ჩაცმული და მსგავსი ვოკალური მონაცემებით დაჯილდოებული ქალი-პარლამენტარები?
ნამდვილად ბევრს კარგავს ევროპა.
წარმოვიდგინოთ, როგორ გამოაცოცხლებდნენ ევროპარლამენტს თაკო და ეკა.
ვეჭვობ ურსულა და ვიოლა, ვერ გაუძლებდნენ ასეთი ვოკალური მონაცემების ევროგაშმაგებულებს და პირველ ეტაპზე ფსიქიატრის გადაუდებელი დახმარება დაჭირდებოდათ, შეიძლება ასეთი სტრესის გამო ლგბტქ+ თემის მხარდაჭერაც კი დავიწყებოდათ, რასაც რა მოყვებოდა, ვინ იცის.
ან სად არის მსგავსი მედია? სხვა ინგა, სხვა გვარამია, სხვა ტრაპაიძე? სადაა ასეთი საოცარი შოუები?
მინდა ავტორიტეტულად განვაცხადო-არსად.
ან სად ნახავთ მიტინგის ტრიბუნაზე ამაყად შემჯდარ შვიდ მედიას, რომლებიც პირდაპირ ეთერში რევოლუციისკენ მოუწოდებენ მედიის თავისუფლების შეზღუდვის გამო?
თანაც დამფასებლებიც ბევრი ყავთ, ჩვენდა საამაყოდ, რომლებიც ზნეობის და ქცევის მაგალითებს და რჩევა-დარიგებებს სწორედ მათგან ისმენენ.
ქიმიურად სუფთა, ყოველგვარი სინდისისა და აზრისგან გაწმედილი დესტრუქცია, რაც მართლაც უნიკალური მოვლენაა და უნდა გავუფრთხილდეთ, ვკოჰაბიტირდეთ, ვდეპოლარაზირდეთ, შევრიგდეთ, რისთვისაც ღვრის ჭირის ოფლს მადამ პრეზიდენტი.
ისე, ამათი ყურებისას ვრწმუნდები რომ ძალიან რბილი და ჰუმანური კაცი ყოფილა იოსებ სტალინი, თუმცა არ ვიცი, შეინარჩუნებდა თუ არა ის ამ თვისებებს. გუშინდელი სხდომა და მასზე ზოგიერთი , ,,ინტელექტუალის ” რეაქცია რომ ენახა.”
კომენტარები