“სად არის მამუკა ხაზარაძე? სად არის ლელო? უცებ რა რეალობას ვაწყდებით…” – ინგა გრიგოლია და დეა მეტრეველი

გადაცემაში “რეაქცია” ჟურნალისტ, ინგა გრიგოლიას კითხვას პასუხობს “ლელოს” აღმასრულებელი მდივანი, დეა მეტრეველი.

ინგა გრიგოლია:

-მხოლოდ ნაციონალური მოძრაობაზე რომ არ ვილაპარაკოთ, მე მაქვს კითხვა, სად არის მამუკა ხაზარაძე? სექტემბრიდან, ვცდილობ ეთერში მოვიწვიო ადამიანი, რომელიც ჩემთვის მისაღები პოლიტიკური ფიგურა იყო, ვისზეც შემეძლო რომ მიმეღო  გადაწყვეტილება, რომ აი, მხარი დავუჭირო? დავუჭირო რატომც არა და უცებ რა რეალობას ვაწყდებით, მარტო ნაციონალებზე რომ არ ვილაპარაკოთ – აი, ლელო, სადაა ლელო? როცა ოპოზიციაზე ვსაუბრობთ, მხოლოდ ერთი პარტიის ჭრილში რომ არ განვიხილოთ, რატომ არის ხელისუფლებაში ოცნება?

დეა მეტრეველი:

-ტელევიზიებში ხშირად სიარული, არ ნიშნავს იმას, რომ პოლიტიკოსი არ არის აქტიური.

ინგა გრიგოლია:

-პატივიცემის მიუხედავად, ვერ წამოგყვებით…

დეა მეტრეველი:

-სად არის მამუკა ხაზარაძე – მამუკა აქტიურადაა ჩართული პარტიის მშენებლობაში და გაძლიერებაში, რეგიონებში გვაქვს შეხვედრები გასვლითი, ასევე თბილისში, წალენხჯიხაში არაერთი პროექტი განხორციელდა

ინგა გრიგოლია:

-ანუ, არ გამქრალა არსად?

დეა მეტრეველი:

-არ ყოფილა თემა მტკივნეული, რომელმაც საზოგადოების რეაქცია გამოიწვია, რომელსაც მამუკა არ გამოხმაურებოდა რაიმე ფორმით. არაერთ პოლიტიკოსს, დღეში არაერთხელ სხვადასხვა ეთერში ვხედავთ, მაგრამ რა გულწრფელობით, რა თავისი საქმიანობით, რა კომპეტენციით ასრულებს საქმიანობას, ეს კიდევ ცალკე საკითხია.

ინგა გრიგოლია:

-რატომ არის მაშინ ოცნება ხელიოსუფლებაში თუ თქვენ დადიხართ რეგიონებში, გაქვთ ხალხთან ურთიერთობა. ჩასაფრებულის პოზიციიდან არ ვსვამ ამ კითხვას, ყველაფერი არის დაჭაობებული ამ ქვეყანაში, ხვალ  რომ ჩატარდეს არჩევნები, არ ვიცი, შეიძლება ისევ ოცნება ვიხილოთ ხელისუფლებაში.

დეა მეტრეველი:

-სრულად გეთანხმებით, საზოგადოება დაიღალა იმ დღის წესრიგით, რომელსაც ოცნება ხელოვნურად ახვევს თავს და ყურადღების მიღმა გვრჩება უმნიშვნელოვანესი პრობლემები. გაჯერდა პოლიტიკური სივრცე ტყუილებით. რთულია რიგითი მოქალაქისთვის ტყუილსა და სიმართლეს შორის ზღვარი დაიცვას. მედია აქტიურობთ გელათის გარშემო პროცესებზე, საზოგადოებაც აქტიურობს, მაგრამ ფრაგმენტულად. რატომ ვერ მოხდა გელათის გარშემო მასშტაბური სახალხო მღელვარება? ვკარგავთ ქრისტიანულ ძეგლს და ამაზე ვერ მოხდა კონსესუსი, თუნდაც პოლიტიკურ პარტიებს შორის.