საარჩევნო რეფორმის სამუშაო ჯგუფის შეხვედრის დროს ერთ-ერთი ძირითადი საკითხი საარჩევნო კამპანიაში უცხო ქვეყნის მოქალაქის ჩართვაზე სანქციების გამკაცრება იყო.
მმართველ გუნდში აცხადებენ, რომ სხვა ქვეყნის მოქალაქეების ჩართვა საარჩევნო პერიოდში ქვეყნის სუვერენიტეტზე ცუდად აისახება, ოპოზიციაში კი ამბობენ, რომ ეს “ნაციონალური მოძრაობის” წინააღმდეგ მიმართული ინიციატივაა.
პარლამენტის წევრი, იაგო ხვიჩია აცხადებს:
“მე მიმაჩნია, რომ “ნაციონალურ მოძრაობას”, მიხეილ სააკაშვილს არ უნდა აეკრძალოს ქართულ პოლიტიკაში ჩართულობა. მეტი კონკურენცია ნიშნავს, უკეთესს ხარისხს.”
“მოქალაქეების” გენერალური მდივანი ლევან იოსელიანი:
“ის რომ ნებისმიერ ადამიანს სხვა ქვეყნიდან არ უნდა შეეძლოთ არჩევნებზე გავლენის მოხდენა ზოგად კონტექსტს ვეთანხმები, თუმცა ყველას გვესმის, რომ ამ სიტუაციაში ეს არის სააკაშვილთან დაკავშირებული. ამ კონტექსტში ამ ცვლილებების შეტანა უფრო დაგვაცილებს”
საარჩევნო რეფორმასთან დაკავშირებით კონსულტაციები დღესაც გაგრძელდება.
კომენტარები