“სააკაშვილმა მთელი ქვეყანა დაზაფრა, პასუხისმგებლობა სააკაშვილს ეკისრება” – ხუნდაძე

მიხეილ სააკაშვილის ჯანმრთელობის მდგომარეობაზე კომენტარს პარლამენტის ჯანდაცვის კომიტეტის თავმჯდომარე, დიმიტრი ხუნდაძე აკეთებს მედიასთან და ამბობს:

“პასუხისმგებლობა ეკისრება მიხეილ სააკაშვილს, რომელმაც მთელი ქვეყანა დაზაფრა.

დღეს ჩვენ ვაპირებთ შესვლას, ველოდებით დასტურს, სწორედ იმისათვის, რომ თქვენს კითხვებსაც გავცეთ პასუხი. ვიდრე ჩვენ შევალთ, იქ არის ექიმთა ჯგუფი, ადგილობრივიც და მოწვეულიც, რომელიც სათანადო მომსახურეობას გაუწევს სააკაშვილს. არსებობს საერთაშორისო პროტოკოლი, ამ პროტოკოლის მიხედვით მეც მაინტერესებს, რისი რესურსი არის, ან რა უნდა დავამატოთ, თუ დადგება გადაყვანის საჭიროება.”

1 საათის წინ მიხეილ სააკაშვილის ჯანმრთელობის მდგომარეობა უკიდურესად დამძიმდა. მესამე პრეზიდენტმა ადვოკატებთან შეხვედრის დროს გონება დაკარგა და წაიქცა. პენიტენციური სამსახურის ინფორმაციით, ამჟამად სააკაშვილის მდგომარეობა დასტაბილურდა.