“სააკაშვილმა კიდევ ერთი რამ უნდა აღიაროს” – რის აღიარებას ითხოვს მამუკა მდინარაძე?

ვიცე-სპიკერმა მამუკა მდინარაძემ ჟურნალისტებთან განაცხადა:

 „აღიარებების სერიაში მხოლოდ ერთი აქვს მას დარჩენილი. მან უკვე აღიარა მძიმე დანაშაულები, ორი დღის წინ აღიარა, რომ აქამდე იტყუებოდა ყველაფერს, ახლა ერთადერთი რაც აქვს დარჩენილი – მან უნდა აღიაროს როგორ ჩააბარა ტერიტორიები ოკუპანტ ქვეყანას და შემდეგ როგორ დააბრალა მან და მისმა გუნდმა საქართველოს და საკუთარ სამხედრო  ძალებს ომის დაწყება. ეს არის ყველაზე მძიმე დანაშაული მისი და მისი თანაგუნდელების მხრიდან ჩადენილი. მე ვფიქრობ, რომ საქართველოს და ქართულ საზოგადოებას უნიკალური შანსი აქვს დღეს, მაშინ როდესაც „ნაციონალური მოძრაობის“ რეიტინგი 12 პროცენტსაც კი ჩამორჩა, რომ ეს  დამნაშავე პოლიტიკური სუბიექტი საერთოდ ჩამოაშოროს პოლიტიკურ პროცესებს და ჩვენ არ გამოვრიცხავთ, რომ ასეც მოხდეს 2020 წელს“