დევიდ სმიტი ადასტურებს, რომ სააკაშვილი ძალიან დიდი დოზით იყო მოწამლული.
შალვა ხაჭაპურიძის კითხვაზე, 26 დღის დაგვიანებულმა კვლევამ მძიმე მეტალებით მოწამვლის კვალი შეასუსტა, მაგრამ მაინც ვერ წაშალა, ეს ნიშნავს თუ არა, რომ მიხეილ სააკაშვილი ძალიან დიდი დოზით იყო მოწამლული, ამერიკელმა ტოქსიკოლოგმა დაადასტურა.
ამერიკელი ტოქსიკოლოგი სასამართლო პროცესზე პირდაპირ ამბობს, რომ სააკაშვილის დიაგნოზი დაინვალიდებასა და სიკვდილს იწვევს.
დევიდ სმიტის სასამართლოს ჩვენება დღეს მისცა.
“მძიმე მეტალები სისხლიდან იკარგება მალე, ამიტომაც თმის ღერის კვლევას ვიყენებთ, რომ დავადგინოთ ნამდვილად მოხდა თუ არა მოწამვლა. ჩემი აზრით, პირველი ინტოქსიკაცია მოხდა მარტში, უფრო ზუსტად რომ განვმარტო, კლინიკაში გადაყვანისას ის უკვე მძიმე მეტალებით იყო მოწამლული, რამაც დააზიანა მისი ორგანიზმი და გამოიწვია კრუნჩხვები და ნერვული სისტემის დაზიანება.
ჩემი აზრით, ის იყო მოწამლული სხვადასხვა მეტალებით. მათ შორის არის ვერცხლისწყალი, დარიშხანი და ბარიუმი. რომლებიც იწვევს საკმაოდ სერიოზულ ტოქსიკურ ეფექტებს. ამ ტიპის მძიმე მეტალები გარკვეული პერიოდის შემდეგ გამოიყოფა სხეულიდან და ამ პროცესში ისინი წამლავენ სხეულში სხვადასხვა ორგანოებს.
პაციენტმა განიცადა ჯანმრთელობის სერიოზული დაზიანება. განსაკუთრებული ადგილი, რომელიც დაზიანდა თავის ტვინში იყო თეთრი ნივთიერება (თავის ტვინის აღმასრულებელი რგოლი), რომელმაც მიგვიყვანა სერიოზულ და პროგრესირებად დემენციამდე.
მას გააჩნია ასევე დაზიანებები საჭმლის მომნელებელ სისტემაში, რაც იწვევს გასტრიტს, რაც იწვევს მუდმივ დიარეას და შესაბამისად კახექსიას და წონის მკვეთრ კლებას. მას დაუზიანდა ღვიძლი. დაზიანებულია გული და თირკმელი. მძიმე მეტალებით მოწამვლა აზიანებს პრაქტიკულად ყველა ორგანოს ადამიანის სხეულში და შესაბამისად, მისი სამედიცინო მდგომარეობა არის სერიოზული.
მას არ მიუღია ადეკვატური მკურნალობა მძიმე მეტალებთან დაკავშირებით. რაც მოიცავს განკურნვის თერაპიას, მძიმე მეტალების გამოტანის მექანიზმს. ასევე დეტოქსიკაცია არ ჩატარებულა იმ წამლებზე, რომლებიც მას სიმპტომების ნიველირებისთვის მიეწოდებოდა“ – თქვა დევიდ სმიტმა.
კომენტარები