სააკაშვილის “მრისხანე” დიაგნოზი – “მოგვცა უფლება, რომ ამაზე ღიად გველაპარაკა და ამიტომ ვბედავ” – რას ამბობს ნევროლოგი?

სახალხო დამცველის მიერ შექმნილი ექიმთა საბჭოს წევრი, ნევროლოგი თენგიზ წულაძე “ფორმულასთან” ამბობს:

“ჩემი დიაგნოზი ერთ-ერთ მრისხანე დიაგნოზად ითვლება – ვერნიკეს ენცეფალოპათია. თვითონ მოგვცა უფლება, რომ ამაზე ღიად გველაპარაკა და ამიტომ ვბედავ ამაზე საუბარს.

მას აქვს მეხსიერების დაქვეითება, წონასწორობის კარგვა, რომელიც ახლა განუვითარდა, ასევე სისუსტე – ეს არის სწორედ დაავადების არასრული გამოვლინება. გამომდინარე კონტექსტიდან, პაციენტი ორს მაინც უნდა აკმაყოფილებდეს და სამს აკმაყოფილებს უკვე და ითვლება, რომ ეს დიაგნოზი კლინიკურია.

სავარაუდოდ, ეს რგოლი აკლდათ და ყოველდღიურად ნევროლოგიური სტატუსი არ ფასდება. ასეთი ადამიანი მრავალი სპეციალისტის მხრივ უნდა ფასდებოდეს დეტალურად. ამიტომაა მნიშვნელოვანი მრავალპროფილური კლინიკა, რაც მე იქ ვერ დავინახე, რომ ამ წუთში ასეთი რამე ხდება. მარტო აპარატურის მოწყობა ამისთვის საკმარისი არ არის”