თუ მიხეილ სააკაშვილი ციხეში დარჩება, ეს საქართველოს უფრო მეტ ნეგატივს მოუტანს, ვიდრე პოზიტივს. მე ამას ვამბობ როგორც ადამიანი, რომელსაც საქართველო უყვარს და ყოველთვის მხარს უჭერს მას, – ამის შესახებ კიევის მერმა, ვიტალი კლიჩკომ სოციალურ ქსელ ფეისბუქში დაწერა.
მისი თქმით, საქართველოს მერსამე პრეზიდენტის გისოსებს მიღმა დატოვება არასწორი და არასამართლიანია.
“საქართველოს დედაქალაქში ყოფილი პრეზიდენტის, მიხეილ სააკაშვილის გათავისუფლების მოთხოვნით საპროტესტო აქცია გაიმართა. ის უკვე მე-13 დღეა შიმშილობს. მთავარს აღვნიშნავ: საქართველოსთვის და პოსტსაბჭოთა სივრცისთვის სააკაშვილი ისტორიული პიროვნებაა, რომელმაც განახორციელა რეფორმები, რომლებმაც შეცვალა საქართველო და მისი რეპუტაცია მსოფლიოში. რა თქმა უნდა, მიხეილს ჰქონდა შეცდომებიც, მაგრამ უშეცდომოა ის, ვინც არაფერს აკეთებს.
მგონია, რომ სააკაშვილის გისოსებს მიღმა დატოვება არასწორი და არასამართლიანია და მის გასათავისუფლებლად სამართლებრივი გამოსავალი უნდა მოიძებნოს. თუ მიხეილ სააკაშვილი ციხეში დარჩება, ეს საქართველოს უფრო მეტ ნეგატივს მოუტანს, ვიდრე პოზიტივს. მე ამას ვამბობ როგორც ადამიანი, რომელსაც უყვარს საქართველო და ყოველთვის მხარს უჭერს მას”, – დაწერა კლიჩკომ.
კომენტარები