“სააკაშვილი პირადად იქნებოდა, ვნახავდით “ლაფატკით” ხელში როგორ ცდილობს გზის გაკვალვას” – ტორესა მოსი

მიხეილ სააკაშვილის და ნაციონალური მოძრაობის ამომრჩეველი არასოდეს ვყოფილვარ. ბევრი მიზეზის გამო. მაგრამ ზუსტად ახლა და ზუსტად მე უნდა ვაღიარო, რომ ეს რომ მომხდარიყო ნაციონალური მოძრაობის ხელისუფლებაში ყოფნის დროს, სააკაშვილი პირადად იქნებოდა ჩასული გურიაშიც და აჭარაშიც. ვნახავდით “ლაფატკით” ხელში როგორ ცდილობს გზის გაკვალვას რომელიმე სახლისკენ. ვნახავდით ტრაქტორზე შემხტარს. ვნახავდით როგორ ამხობს თავზე რომელიმე გამგებელს, რომელმაც რაღაც არ გააკეთა რაც უნდა გაეკეთებინა. ამაზე @რაკში პერო საზოგადოება დავცინებდით, ვიტყოდით რომ ეს კაცი პოპულისტია, კაი რა აი რა დროს ამის პოზიორობაა, მაგრამ იქ, თოვლში ჩარჩენილ ხალხს ეცოდინებოდა, რომ სახელმწიფო იქ არის, რომ მარტო არ არიან, რომ პრეზიდენტი პირადად არის ჩასული და ყველა ყველაფერს აკეთებს მათ დასახმარებლად. და ჰო, ახლა ამ გადასახედიდან ვხვდები, რომ ზოგჯერ რაღაც არ არის მარტო პოპულიზმი. ზოგჯერ ადამიანი შეიძლება იმის რწმენამ გადაარჩინოს, რომ დახმარება გზაშია და ის მარტო არ არის.