“მთავარი არხის” ინფორმაციით, მათ მოიპოვეს დოკუმენტაცია, სადაც წერია, რომ “მიხეილ სააკაშვილი მოწამლულია მძიმე მეტალებით, ვერცხლისწყლითა და დარიშხანით” და დოკუმენტს ხელს ამერიკელი ტოქსიკოლოგი დევიდ სმიტი აწერს.
მედიის ცნობით, დოკუმენტში აღნიშნულია, რომ ვერცხლისწყალი და დარიშხანი მის თმასა და ფრჩხილშია აღმოჩენილი და აქვე ნათქვამია, რომ ნივთიერებების ეს დოზები ორგანიზმში სამედიცინო მკურნალობის შედეგად ვერ იქნებოდა.
დასკვნაში, “მთავარის” ინფორმაციით, საუბარია მესამე პრეზიდენტის სიმპტომებზეც და ნათქვამია, რომ ეს დიდი ალბათობით სწორედ მძიმე მეტალებით მოწამვლის გამოა.
დოკუმენტში საუბარია მესამე პრეზიდენტის მკურნალობის მეთოდებზეც კლინიკა “ვივა მედში” და ჩამოთვლილია რამდენიმე პრეპარატი, მათი დოზირება და გვერდითი ეფექტები. ასევე, ტოქსიკური დოზები და არის მსჯელობაც, შეეძლო თუ არა ამ კონკრეტულ პრეპარატებს მოწამვლის გამოწვევა.
კომენტარები