“სააკაშვილი “დაწვა”, ის ავადმყოფი, ახირებული, ცუდად აღზრდილი ბავშვის სახედ ჩამოყალიბდა” – მერაბ შათირიშვილი

მწერალი, “ქართული ოცნების” თანადამფუძნებელი, მერაბ შათირიშვილი, მედიასთან, ამბობს:

ნაციონალურ მოძრაობაში დაპირისპირება მოსალოდნელიც იყო., ნაციონალურმა მოძრაობამ მიშა სააკაშვილი ერთი პერიოდი ნიკა მელიაში გაცვალა – გაწირა სააკაშვილი, ერთიანი გახდნენ ნიკა მელიას გარშემო, მოსინჯეს, აბა, ვნახოთ, მელიათი თუ მივაღწევთ მიზანსო. ამ ეტაპმა გაიარა, მელიათი ვერ მოვიდნენ ხელისუფლებაში და ახლა იმ ძალებმა, მელიას ქოლგის ქვეშ, იფიქრეს, შევნარჩუნოთ ის ვითარება რაც ამ პარტიაში დღემდე გვქონდა, მელია ყველა შემთხვევაში წავიდოდა პროგრესისკენ, ცვლილებებისკენ, ტიპაჟია იგი ასეთი, შეეცდებოდა ჩამოყალიბებულიყო როგორც ლიდერი, და შეეცდებოდა მიზნისთვის მიეღწია და ამისათვის რამდენიმე ხერხს მოსინჯავდა პოლიტიკურად. ამაზე არ წავიდნენ და დაუპირისპირდნენ, ისევ მიშას ქოლგის ქვეშ ამჯობინეს ყოფნა. ფიქრობენ, რომ მიშათი შეინარჩუნებენ იმ ხმებს, რაც სამწუხაროდ, ჯერ კიდევ აქვთ. ამან ნაციონალური მოძრაობა ისე შეიყვანა კრიზისში, მე არ ვფიქრობ რომ ისინი აქედან გამოვლენ.

ვფიქრობ, რომ თუკი სიცოცხლე უნდოდა ამ პარტიას, მელია უნდა შეენარჩუნებინათ, დამიჯერეთ, მერწმუნეთ, მიშა სააკაშვილი უკვე როგორც ლიდერი, არის განადგურებული, ის იდეაში აღარ არის ლიდერი, ის ერთი ახირებული, ავადმყოფი, ძალიან ცუდად აღზრდილი ბავშვის სახედ ჩამოყალიბდა, მისგან პოლიტიკოსი უკვე ვეღარ გამოვა, არ გამოვა, სასაცილო იქნება, იმდენად “დაწვა” მიშა სააკააშვილი.

ეს ქაოსი მოსალოდნელი იყო იმ პარტიისთვის, რომლსაც ჯერ კიდევ შინაგან აქვს ყველაფერზე წასვლის ფორმულა, ოღონდ მიზანს მიაღწიო. არ შეიძლება ყველაფერზე წახვიდე და ეს ის ხალხია, რომელიც ყველაფერზე მიდის, რათა ხელისუფლებაში მოვიდნენ, თუნდაც საქართველოში ქვა ქვაზე არ დარჩენილა. ესენი არიან წყარო ქართული ოცნების ხელისუფლებაში დამაგრების, ესენი არიან საწვავი, ქართული ოცნების ძრავის მუშაობის, რამდენად კარგია ეს ქვეყნისთვის სხვა საქმეა, მაგრამ ნაციონალური მოძრაობა ქართული ოცნების შენარჩუნებისთვის ზედგამოწერილია. პირიქით, ქართულ ოცნებას შეიძლება ეწყინოს კიდეც, ნაციონალური მოძრაობა რომ დაიშალოს.