“სააკაშვილი ჩამოვიდა ივანიშვილთან შეთანხმებით, რა ეტყობა “ენმ”-ს რომ რევოლუციისთვის ემზადებოდნენ? ” – იაგო ხვიჩია

“გირჩის” ლიდერი იაგო ხვიჩია, “ტვ პირველთან” ამბობს;

“ეს ორი დიდი პარტია გამარჯვებულია.

ენმ ზეიმობს გამარჯვებას, გააუმჯობესა შედეგები

ოცნება ზეიმობს, რადგან ამ ბრწყინვალე შულერობის, რასაც მიხეილ სააკაშვილის ჩამოყვანა ქვია, შედეგად 43 პროცენტი მოიპოვა, რაც წარმოუდგენელი იყო.

სულ ორი სცენარი შეიძლება არსებობდეს – ერთი, რომ მიხეილ სააკაშვილი შეიძლება ჩამოდიოდეს არჩევნების წინა დღეს რევოლუციის მოსაწყობად და მეორე – რომ ჩამოდის ვიღაცასთან შეთანხმებით.

რა ეტყობა ნაციონალურ მოძრაობას რომ რევოლუციის მოსაწყობად ემზადებიან? ზეიმობენ არჩევნებში გამარჯვებას.

შესაბამისად, სხვა ლოგიკურად არაფერი რჩება, გამოდის, არჩევნები “გაუპრავეს” ოცნებას.

ერთადერთი ადამიანი, ვისთანაც შეიძლება ასეთი ტიპის შეთანხმება დადო, კი იცით, ვინც არის. ივანიშვილის გარდა ვისთან შეიძლება შეთანხმდე?

ამომრჩევლის ნების მოპარვაა ისიც, რომ შექმნა ისეთი გარემო, სადაც თავისუფალი არჩევნები არ ხდება, არჩევნების წინა დღეს რომ მიშას დაიჭერ, ეს უკვე ახდენს გავლენას არჩევნების შედეგზე. გაყალბების თვალსაზრისით, ეს ყველაზე გაყალბებული არჩევნებია, მაგრამ ორმა მოთამაშემ ეს ყველაფერი ისე გააკეთა, რომ მათ 2024 წლამდე არაფერი ემუქრებათ, არც ივანიშვილს, არც სააკაშვილს. ახლა საჩხუბარი არაფერი აქვთ.”