ფოტო – “ინფო რუსთავი”
“ინფო რუსთავის” ინფორმაციით, რუსთავში სოკოს საწარმო “თეთრი ქუდს” საქმიანობის უფლება შეუჩერეს.
შემოწმების დროს ზედამხედველობის სამსახურმა აღმოაჩინა, რომ საწარმოს არ აქვს გარემოს დაცვითი გადაწყვეტილება (გზშ), რის გამოც სოკოს საწარმო “თეთრ ქუდს” საწარმოო საქმიანობა იქამდე შეუჩერდა, სანამ აღნიშნულ გადაწყვეტილებას არ მიიღებს.
“ვინაიდან გამოვლენილი სამართალდარღვევა არ არის პირველი შემთხვევა და მასში სისხლის დანაშაულის ნიშნები იკვეთება, მასალები, შემდგომი რეაგირების მიზნით, პროკურატურაში გადაიგზავნა.
კომპანიას კი, გარემოსდაცვითი ზედამხედველობის დეპარტამენტის მიერ გაეგზავნა ადმინისტრაციული მიწერილობა, რომლის თანახმად, „გარემოს დაცვის შესახებ“ კანონის საფუძველზე, „თეთრმა ქუდმა“ დაუყოვნებლივ უნდა შეაჩეროს სოკოს საწარმოში საქმიანობა კომპოსტის წარმოების მიზნით.
საქმიანობა უნდა შეჩერდეს, სანამ შპს „თეთრი ქუდი“ არ მიიღებს კანონმდებლობით გათვალისწინებულ, სავალდებულო, შესაბამის გარემოსდაცვით გადაწყვეტილებას“,- აცხადებს გარემოსდაცვითი ზედამხედველობის სამსახური, “ინფო რუსთავთან”
შეგახსენებთ, რომ 28 ივლისს საღამოს საათებში ახალი რუსთავის თითქმის ყველა ქუჩაზე უსიამოვნო სუნი იდგა, რის შესახებაც “ინფო რუსთავს” უამრავმა ადამიანმა აცნობა და საკითხის კიდევ ერთხელ გაშუქება სთხოვა.
“ალია” შეგახსენებთ, გასულ წელსაც იგივე პრობლემა იყო, მაშინ, ჩვენ არაერთი მოქალაქის წერილი გავაშუქეთ ამ თემაზე. “სოკოს საწარმო” გარემოს ზედამხედველობის სამინისტრომ დარღვევების გამო 20 000 ლარითაც დააჯარიმა. თუმცა, წელსაც იგივე პრობლემის წინაშე დადგნენ მაცხოვრებლები. იმედს ვიტოვებთ, რომ ამჯერად, პრობლემა სრულად მოგვარდება და რუსთავის მაცხოვრებლებს, არჩევნების დასრულების შემდეგ, ისევ არ შეაწუხებთ ადგილობრივ მაცხოვრებლებს სუნი.
კომენტარები