რუსმა მილიარდერმა, ოლეგ დერიპასკის თქმით, იგი უკრაინაში მიმდინარე ომს მხარს არ უჭერს. მისი თქმით, სამხედრო კონფლიქი დიდ ეკონომიკურ კრიზს გამოიწვევს.
“ჩვენ ჯერ არ ვყოფილვართ მსგავსი გამოწვევის პირისპირ. რკინის ფარდა უკვე დაეშვა. მე მთხოვენ, რომ არ გამოვხატო ჩემი პოზიცია, მაგრამ მე მშვიდობას ვუჭერ მხარს. მომდევნო სამ კვირაში ჩვენ ვნახავთ, რა დაემართებათ ბანკებს. ვნახოთ, ვინ დარჩება ჩვენი პარტნიორებიდან. ვფიქრობ, გავოცდებით იმდენი მათგანი დაგვტოვებს. პარტნიორთა დათვლას უკვე თითებზე შევძლებთ. აიღეთ 1998 წლის კრიზისი და გაამრავლეთ სამზე”. – თქვა მილიარდელმა.
დერიპასკა საბჭოთა კავშირის დაშლის შემდეგ გამდიდრდა. Forbes-ის 2008 წლის შეფასებით, მისი სიმდიდრე 28 მილიარდ დოლარს შეადგენს. რუსეთის სახელმწიფოსთან მჭიდრო კავშირის გამო, იგი 2018 წლიდან ამერიკის მხრიდან სანქცირებულია.
მანამდე, 27 თებერვალს დერიპასკმა საკუთარ ტელეგრამის არხზე დაწერა: “მშვიდობა მნიშვნელოვანია, მოლაპარაკებები უნდა დაიწყოს, რაც შეიძლება სწრაფად”.
ასევე, ომის წინააღმდეგია რუსი მილიარდერი, ფრიდმანი. ფრიდმანი, რომელიც დასავლეთ უკრაინაში დაიბადა, არის LetterOne-ის თანადამფუძნებელი, აქვს გრძელვადიანი ინვესტიციები, 25 მილიარდ ფუნტზე მეტი ტექნოლოგიების, ენერგეტიკის, ჯანმრთელობისა და საცალო ვაჭრობის სექტორებში.
ფრიდმანი და მისი პარტნიორები ასევე აკონტროლებენ Alfa Group-ს, რომელიც მოიცავს რუსეთის ტოპ კერძო ბანკს Alfa Bank-სა და 7 კომპანიას. მასში IDS Borjomi International-იც შედის.
ტაბულა
კომენტარები