საქართველოს ყოფილმა საგარეო საქმეთა მინისტრმა და “ნაციონალური მოძრაობის” ყოფილმა თავმჯდომარემ, დეპუტატმა გრიგოლ ვაშაძემ “აჭარის საზოგადოებრივ მაუწყებლთან” განაცხადა:
“საქართველოს რუსეთის ფედერაციასთან ავიამიმოსვლა არ აქვს. რუსეთის ფედერაციასთან არც არასდროს ეცდება არავინ ქართული ბანკების მეშვეობით რაღაც კომბინაციების ჩატარებას, ხელის მოთბობას, სანქციებდაწესებული ბანკებისგან. გამორიცხულია.
ჩვენი ექსპორტი რუსეთში შედგება ხილისგან, ბოსტნეულისგან, ფეროშენადნობები და ღვინოსგან, იმპორტი არის გაზი და ხორბალი. ამის შეწყვეტა შეიძლება, იმიტომ რომ ყველა ჩვენი მოკავშირე იმით არის დაკავებული, რომ ჩაანაცვლოს რუსული ენერგომატარებლები და რუსული იმპორტი, ამაზე ფიქრი შეიძლება. მაგრამ ამას დაფიქრება და სერიოზული დათვლა უნდა, რადგან ჩვენი მოკავშირეებისგან განსხვავებით გაცილებით მძიმე ეკონომიკური მდგომარეობა გვაქვს. თუმცა, ნაბიჯი რომ უნდა გადაიდგას. სწორ ფორმულირება შემოგვთავაზა ჩვენი მოკავშრეების ელჩმა კელი დეგნანმა, რომელმაც ბრძანა – ჩვენ მუდმივად ვართ საქართველოსთან კონსულტაციებში და განვიხილავთ იმ რეკომენდაციებს, რომელიც ჩვენ უნდა მივცეთ ჩვენი მოკავშირის ხელისუფლებას. ჩვენ მოკავშირებთან ერთად მუდმივად უნდა ვიფიქროთ იმაზე, როგორ მივუერთდეთ დასავლურ სანქციებს.
მე ის კი არ მადარდებს როდის შევუერთდებით ჩვენი მოკავშირეების სანქციებს, მე მადარდებს ის რომ ნორმალური მექანიზმი არ გვაქვს იმისთვის, რომ საერთო ეროვნული კონსესუსი გვქონდეს რაღაც საკითხზე. ეს არის ჩვენი ტრაგედია.”
კომენტარები