ფსიქოლოგიის პროფესორი, პედაგოგიკის მეცნიერებათა დოქტორი, ექსპერტი განათლების საკითხებში, ზურაბ ვახანია სოციალურ ქსელში წერს:
„სიახლეები კიევიდან _ 21.15. 26.02.2022. ახლა ისევ ვესაუბრე ჩემს კიეველ მეგობრებს. ჯერ კარგი ამბები: 1) რუსეთში მწვავე ეკონომიკური პრობლემები იწყება, რაკი ელვისებური გამარჯვება ჩაეშალათ, დღე-ღამეში 32 მილიარდის ხარჯებს ვეღარ უძლებენ; პუტინი ოლიგარქებისგან ცდილობს ფულის გამოძალვას, ეს კი მძლავრ ოპოზიციურ ფრთას გაუჩენს. 2) რუსეთს არც ჯარისკაცები ჰყოფნის, რის გამოც საწყალ წვევამდელ ბიჭებს (ბავშვებს) პირდაპირ ფრონტზე გზავნის. ეს კიდევ ერთი მიზეზია, რომელიც რუსეთში პროტესტს ძალიან გააძლიერებს. 3) უკრაინული ჯარის ცალკეული მნიშვნელოვანი წარმატებებია. 4) კიევში 2 დღე-ღამე მკაცრი და უწყვეტი კომენდანტის საათია, რაც უკრაინელებს საშუალებას მისცემს, რომ გამოავლინონ და დაიჭირონ რუსების დივერსიული ჯგუფები (რომლებსაც უკრაინული ფორმები აცვიათ და უკრაინული საბუთები აქვთ. 5) „პროგრესული დასავლეთი“ ემზადება, რომ 2-3 დღეში რუსეთის საბანკო სისტემა სრულ იზოლაციაში მოაქციოს (ე.წ. „სვიფტი“). 6) ცალკეული სახელმწიფოებისგან იღებენ ფინანსურ, მატერიალურ ანდა სამხედრო ტექნიკის დახმარებას. ახლა _ მაგრამ: 1) ეს დახმარებები ძალიან მცირეა და თან ძალიან ნელ-ნელა ხორციელდება, არ თავდება განხილვა, კამათი და იწილობიწილო. 2) ამასობაში კი კიევში ფეთქდება და ფეთქდება საცხოვრებელი სახლები _ რაკეტებით. რუსები ყოვლისმომსპობი „გრადების“ გაშვებასაც ამზადებენ. კერძო პირებისთვის ბენზინი სრულებით აღარაა. 3) ასეულათასობით ლტოლვილი უკრაინელია გაჭედილი სასაზღვრო გამშვებ პუნქტებთან, რომელთა გამტარუნარიანობა ვერაფრით ვერ აუდის ასეთ მოზღვავებას (მოლდოვასთან, პოლონეთთან და სხვა). სხვათა შორის, არახნიერ მამაკაცებს არ უშვებენ, მათ ქალები, ბავშვები და მოხუცები უნდა გააცილონ, თვითონ კი უკან გაბრუნდნენ, რადგან ისინი უკრაინას სჭირდება. გაუმარჯოს უკრაინას!“- წერს ვახანია.
კომენტარები