რუსეთის სასამართლომ “ლელო – ძლიერი საქართველოს” ერთ-ერთ ლიდერს, ალეკო ელისაშვილს რუსეთ-უკრაინის ომში მონაწილეობისთვის, დაუსწრებლად მიუსაჯა 6 წლით თავისუფლების აღკვეთა და საერთაშორისო ძებნილად გამოაცხადა. ამის შესახებ ინფორმაციას რუსეთის ფედერაციის საგამოძიებო კომიტეტის პრესსამსახური ავრცელებს.
ალეკო ელისაშვილი დამნაშავედ ცნეს რუსეთის ფედერაციის სისხლის სამართლის კოდექსის 359-ე მუხლის მე-3 ნაწილით გათვალისწინებული დანაშაულის ჩადენაში (დაქირავებული მებრძოლის მონაწილეობა შეიარაღებულ კონფლიქტში).
რუსეთის ფედერაციის გენერალური პროკურატურის ცნობით, ელისაშვილი უკრაინაში 2022 წლის მარტში ჩავიდა. იქ ის შეუერთდა საქართველოს ეროვნული ლეგიონის რიგებს, რის შემდეგაც გაიარა სამხედრო წვრთნები და მიიღო იარაღი და ფორმები. შემდეგ ის ფრონტზე წავიდა, სადაც ფულადი კომპენსაციის სანაცვლოდ მონაწილეობდა რუსეთის ფედერაციის შეიარაღებული ძალების წინააღმდეგ საომარ მოქმედებებში. კერძოდ, პოლიტიკოსი მონაწილეობდა კიევის ოლქის ქალაქ ირპენისთვის გამართულ ბრძოლებში.
კომენტარები