რუსეთში, ბელგოროდის ოლქში, სამმა ჯარისკაცმა ერთ-ერთი სამხედრო ნაწილის ტერიტორიაზე უმისამართო ცეცხლი გახსნა. ინფორმაციას უკრაინული ტელეგრამ არხები ავრცელებენ.
მათივე ინფორმაციით, წინასწარი მონაცემებით მოკლულია 22 და დაჭრილია 16. ამასთან, როგორც უკრაინული მედია წყაროებზე დაყრდნობით წერს, თავდამსხმელთაგან ერთი ორი საპასუხო ცეცლხის დროს მოკლეს, ერთმა კი გაქცევა მოახერხა.
ბელგოროდის სამხედრო ნაწილში განხორციელებული თავდასხმა რუსეთის თავდაცვის სამინისტრომ ტერორისტულ აქტად შეაფასა. მათივე ცნობით, ცეცხლი დსთ-ს წევრი ქვეყნის ორმა მოქალაქემ გახსნა, რომელთა ლიკვიდაცია საპასუხო ცეცხლის დროს განხორციელდა.
რუსეთის თავდაცვის სამინისტროს განცხადებითვე, სამხედრო ნაწილში მოხალისეთა წვრთნის დროს ტერორისტებმა ნაწილის პირადი შემადგენლობა დაცხრილეს.
რუსული მედიის ცნობით, დაიღუპა 11 და დაიჭრა 15 ჯარისკაცი.
კომენტარები