ოზურგეთის საკრებულოში ერთმანეთს “ნაციონალური მოძრაობისა” და “ქართული ოცნების” დეპუტატები დაუპირისპირდნენ. ოპოზიციამ სხდომა დღის წესრიგის დამტკიცებამდე დატოვა.
დაპირისპირება ენმ-ს დეპუტატის, თათია ნიკოლაშვილის სიტყვას მოჰყვა, რომელმაც პარლამენტში ინიცირებულ “რუსულ კანონზე” ისაუბრა და რუსეთის ჰიმნი ჩართო.
თათია ნიკოლაიშვილი:
“ასეთი სიკეთეები აღარც ოზურგეთს რომ აღარ ეღირსება და აღარც საქართველოს თქვენი ე.წ. მთავრობის მიერ დაინიცირებული რუსული კანონით ამის საქმის კურსში თუ ბრძანდებით? თქვენმა რუსულმა მთავრობამ რუსული კანონი შეიტანა, თუმცა ოზურგეთის მერს, რომელიც არის ქურდი, კორუმპირებული, რომელიც ადამიანებს პოლიტიკური ნიშნის მიხედვით სჯის, სამსახურიდან ათავისუფლებს, 64 წლის კაცი გაათავისუფლა სამსახურიდან ორსულობის გამო, იმდენად არაკვალიფიციურია, იმდენად ქურდი და წურბელაა, ათობით თანამშრომელი უჩივის არაკანონიერი მოქმედების გამო. აქ რომ შეკრებილხართ და თქვენი შვილების მომავალიც კი არ გაინტერესებთ, არ გადარდებთ, რომლებსაც თქვენი რუსული მთავრობა ართმევს ევროპულ მომავალს. რაც გაკლიათ – “მშობლიური ჰიმნია”.
პასუხად, “ქართული ოცნების” დეპუტატებმა სხდომაზე პარალელურად მესამე პრეზიდენტის ვიდეო ჩართეს და თქვეს, რომ “ნაციონალური მოძრაობა” ამ “ქვეყნის წურბელაა”, რომ “მიხეილ სააკაშვილს ძალიან უყვარდა რუსეთი”.
კომენტარები