რუსეთის შეიარაღებული ძალების გენერალური შტაბის უფროსი ვალერი გერასიმოვი პირადად ჩავიდა იზიუმში, რათა ჯარს უხელმძღვანელოს. ამის შესახებ უკრაინული მედია Defence Express წერს, რომელიც უკრაინის სამხედრო-სამრეწველო კომპლექსთან და სამხედრო ექსპერტებთან თანამშრომლობს.
გამოცემის წყაროების თანახმად, გერასიმოვი, სავარაუდოდ, უკვე მივიდა რუსეთის შეიარაღებული ძალების სამეთაურო პუნქტში, იზიუმის რეგიონში.
გამოცემა აღნიშნავს, რომ გერასიმოვის პოზიცია გულისხმობს სტრატეგიული დონის ოპერაციების მეთაურობას და არა ოპერატიულ-ტაქტიკურს. ეს შეიძლება იყოს იმის მტკიცებულება, რომ რუსეთის ხელმძღვანელობა სერიოზულად არის ორიენტირებული დონბასში გარკვეული ტაქტიკური გამარჯვების მიღწევაზე.
როგორც უკრაინული მედია წერს, გარდა ამისა, გერასიმოვის საველე სამეთაურო პუნქტებში ჩამოსვლა იმაზე მიუთითებს, რომ გენერალ ალექსანდრე დვორნიკოვის დანიშვნამ უკრაინაში რუსული ჯარების მეთაურად არ გააუმჯობესა ვითარება ქვედანაყოფების კოორდინაციასა და კონტროლთან დაკავშირებით.
კომენტარები