რუსეთის დუმაში დამოუკიდებელი სახელმწიფოების თანამეგობრობის კომიტეტის ხელმძღვანელი, ლეონიდ კალაშნიკოვი კორონავირუსით დაავადდა- ამის შესახებ მან რია ნოვოსტს განუცხადა და აღნიშნა, რომ ორმხრივი პნევმონია აღენიშნება.
„ჯერჯერობით თავს ნორმალურად ვგრძნობ, ასე მრომ მკურნალობენ. საავადმყოფოში ვწევარ“- აცხადებს კალაშნიკოვი. მისი თქმით, კორონავირუსის ანალიზის პასუხი უარყოფითი იყო, მისი დაავადების იდენტიფიკაცია კომპიუტერული ტომოგრაფიით მოხდა- „ტესტებით ვირუსი არ დადასტურდა. მე თვითონ წავედი კომპიუტერული ტომოგრაფიის გასაკეთბლად, სადაც ყველაფერი მაშინვე გაირკვა“.
დეპუტატმა აღნიშნა, რომ იგი მძღოლისგან დაინფიცირდა, რომელიც გასულ კვირას გახდა ავად – „ ჩემი მძღოლი უკვე ერთი კვირის წინ დააწვინეს, მე კი ორშაბათს აღმომაჩნდა კოვიდ 19-ის ინფექცია“.
კომენტარები