ფოტო – ტვ პირველი
ისანში რუსეთის და ბელორუსის მოქალაქეები, რომლების ბინის მფლობელს კუთვნილ თანხას არ უხდიან, ნაქირავები ბინიდან გამოსვლაზე უარს ამბობენ.
საქართველოს მოქალაქე, რომელმაც ბინა გააქირავა ახლა სასამართლოს გზით ცდილობს დაიბრუნოს კუთვნილი უძრავი ქონება, საიდანაც შესახლებულები არ გამოდიან.
პოლიციელთა თქმით, მსგავსი შემთხვევები ბოლო დროს ბევრია.
ბინის მეპატრონე, ტვ პირველთან ამბობს, რომ ბელორუსმა და რუსმა მოქალაქემ მაისში იქირავეს სახლი, ორი თვის შემდეგ კი მდგმურები არც კომუნალურ გადასახადს იხდიდნენ და არც ქირას:
“ჩვენ ეს ბინა მივაქირავეთ ბელორუსის მოქალაქეს და რუსეთის მოქალაქეს. ეს ნარატივი ააწყვეს მათ, რომ რეჟიმს გამოექნენ რუსეთიდან. მოტყუებით გამომართვა მამაჩემის პირადობის მოწმობა, ამითი მან ამოიღო საკადასტრო კოდი, წავიდა ამ კოდით იუსტიციის სახლში, წაიყვანა ორი მოწმე და ამ ორი მოწმის ჩვენებით, მალულად ჩაეწერნენ ჩვენს ბინაში. მსგავსი მეთოდებით იტაცებენ ქართველების საკუთრებებს“. – ამბობს ბინის მეპატრონე.
შეგახსენებთ, საცხოვრებელი მისამართის დარეგისტრირება იუსტიციის სახლში, მართლაც შესაძლებელია ორი მოწმის ჩვენების საფუძველზე. თუმცა, ეს არ ნიშნავს “ჩაწერას” და არც მის მფლობელობაში გადადის ბინა.
მეორე მხრივ, როგორც ავდოკატები კარგა ხანია აფრთხილებენ გამქირავებლებს, მდგმურის გამოსახლება ბინიდან, ქირის არგადახდის შემთხვევაში საკმაოდ რთული პროცესია.
კომენტარები