ჟურნალისტი, არჩილ გამზარდია:
“განვითარებად პროვოკაციას ცდილობს რუსეთი საქართველოს წინააღმდეგ აფხაზეთში თითქოსდა შესაძლო ტერაქტების მომიზეზებით და ჩვენი უტვინო ხელისუფლება კიდევ ევროპას ადანაშაულებს ომში ჩართვას გვთხოვენო.
ვიზიარებ იმ პოზიციას, რომ საქართველოს, როგორც სახელმწიფოს, სჭირდება მაქსიმალური სიფრთხილეც და გონიერებას, რომ რუსულ პროვოკაციებს არ წამოეგოს, მაგრამ ხედავდე, რუსეთი მოქმედებდეს შენს წინააღმდეგ დღესაც და სხვას ადანაშაულებდე, გაუგონარი უტვინობა და უზნეობაა.
რეალურად მოჩანს საფრთხე, რომლის მიხედვითაც რუსეთი შეეცდება საქართველოში თავად გადმოიტანოს ომის სივრცე და ამის გამომწვევ თეორიულ შესაძლებლობებზე ადრევე ბევრი ილაპარაკეს სპეციალისტებმა – კერძოდ, უკრაინაში მარცხის ერთგვარი “რეაბილიტაცია” საქართველოს ხარჯზე პუტინის ხელისუფლებისათვის…
პუტინი არასდროს არაა საიმედო თავისივე პარტნიორებისათვისაც კი, ამიტომ “ქართულ ოცნებას” მართებს მეტი სიფრთხილით მოქმედებას, მაგრამ კეთილი ინებოს და რიტორიკა შეცვალოს, რომ მერე ისევ მარტო არ აღმოჩნდეს რუსეთთან საქართველო, არაფერი სჭირდება იმას, რომ აფხაზეთში რუსეთმა განახორციელოს რაიმე ტერორისტული აქტი და ისრები საქართველოზე გადმოიტანოს, ევროპის და ამერიკის ლანძღვით კი, ჩვენი ქვეყანა უმარტივესად დაიპყროს ოკუპანტმა.
შეცვალეთ რიტორიკა ევროპაზეც, აშშ-ზეც, უკრაინის ხელისუფლებაზეც, ერთადერთი, ვინც საქართველოს ემუქრება დღეს და ომში ცდილობს ჩაბმას, ეს რუსეთია, უკვე საკმარისზე მეტი წინაპირობა არსებობს საამისოდ.”
კომენტარები