“რუსეთი ბელარუსში ობიექტებს ბომბავს, რათა უკრაინას დაბრალდეს, ბელორუსებო, ნუ გახდებით მკვლელები კრემლისთვის” – უკრაინა

უკრაინის უშიშროების სამსახურის [СБУ] განცხადება:

“ოკუპანტები ბელარუსში მდებარე ობიექტებზე საჰაერო თავდასხმებს ახორციელებენ, ამის მიზანი კი უკრაინის თავდასხმაში დადანაშაულებაა, რათა ომში ბელარუსის შეიარაღებული ძალები საბოლოოდ ჩაერთონ. მტრის მორიგი პროვოკაციის მომსწრეები ვართ.

ოფიციალურად ვაცხადებთ: უკრაინელ სამხედროებს არ აქვთ დაგეგმილი რაიმე აგრესიული ქმედებები ბელარუსის წინააღმდეგ! მივმართავთ ბელარუს ხალხს – ნუ მისცემთ საკუთარ თავს საშუალებას გამოგიყენონ კრიმინალურ ომში. თქვენ ხომ არასოდეს ყოფილხართ ოკუპანტები და მკვლელები! ნუ გახდებით კრემლის გულისთვის!”.