“რუსებმა 1 წელში უნდა გაყიდონ საქართველოში ნაყიდი ბინები, ხელისუფლების შეცვლის შემდეგ” – სააკაშვილი

საქალაქო სასამართლოში მიმდინარე პროცესზე, მესამე პრეზიდენტმა აღნიშნა, რომ საქართველოში შემოსულ რუსეთის მოქალაქეები ქვეყნისთვის საფრთხეს წარმოადგენენ და ხელისუფლების შეცვლის შემდეგ, მათ უნდა მიეცეთ 1 წლიანი ვადა, გაყიდონ სახლები.

“მინდა ვთქვა რუსებზე, რომლებიც არიან შემოსული საქართველოში. ეს არის დიდი უბედურება და საფრთხე. რუსების უმეტესობის მენტალური გამოსწორება არის შეუძლებელი. ეს ხალხი არის მომეტებული საფრთხის წყარო და მე მინდა უბრალოდ, ვუთხრა მათ რომ როგორც კი გამოიცვლება ხელისუფლება და თამაშის წესები უნდა იყოს პატიოსანი – პირადი საკუთრება ხელშეუხებელი უნდა იყოს და პირიქით, პირადი საკუთრების გაძლიერებულ დაცვას ვაპირებ, მაგრამ რაც შეეხება რუსებს, მათ უნდა მიეცეთ 1 წელი რომ გაყიდონ ბინები, უნდა იყოს სახელმწიფო პროგრამა და უცხოეთში მყოფ ქართველებს შეღავათიან ფასებში აყიდინონ სახელმწიფოს დახმარებით ეს ბინები და ქართველების დაბრუნების პროგრამა უნდა შევქმნათ  მათ შორის, იმ კერძო საკუთრების ხარჯზე, იმ ნაყიდი ბინების ხარჯზე, რომლებიც რუსებს გააჩნიათ დღე საქართველოში. სანამ ვართ ამ მდგომარეობაშ, რომ რუსეთი ოკუპანტია, შეუძლებელია ეს არ განიხილებოდეს ქვეყნისთვის საფრთხედ” თქვა მიხეილ სააკაშვილმა. 

“ყველა სხვა უცხოელს, ვინც ჩადებს ფულს, უნდა დავავალდებულოთ, რომ დასაქმებული მუშა ხელის 90%  უნდა იყოს ქართველი” – აღნიშნა მესამე პრეზიდენტმა.