როცა მთელი საქართველო აგინებდა პარტია დაუდგა გვერდით, დაიცვა, დაბანა, ჩააცვა და დავარცხნა – დიტო სამხარაძე

“ქართული ოცნების” პოლიტსაბჭოს წევრი, დიტო სამხარაძე, სოციალურ ქსელში, წერს:

“დავიწყოთ იმით, რომ… მეცინება, როდესაც ვინმე ამბობს, ოცნებამ სხვისი სახელის და რეიტინგის წყალობით გაიმარჯვა, არჩევნებშიო, მით უმეტეს მაშინ, როდესაც ბატონი ბიძინა იყო პარტიის თავმჯდომარე და საარჩევნო კამპანიის დროს, თავიანთ მაჟორიტარულ ოლქებში, იმ “სხვისის” გუნდის წევრები, თავმჯდომარის სახელის და რესურსის გამოყენებით დარბოდნენ. მიუხედავად ამისა, იმ “სხვამ” მისიანებს პირველ ტურშიც კი ვერ მოაპოვებინა გამარჯვება.

ზოგიერთებს ისიც ავიწყდებათ, რომ იმ “სხვას”, რომელსაც 20 ივნისის შემდეგ მთელი საქართველო აგინებდა და 0% ჰქონდა რეიტინგი, როგორ დაუდგა პარტია გვერდით, დაიცვა, დაბანა, ჩააცვა და დავარცხნა.

მე თუ მკითხავთ, თუ მინდა ვიყო მართალი კაცი, მანდატს დავტოვებდი და თვითმმართველობის არჩევნებთან ერთად რომ გაიმართებოდა შუალედური საპარლამენტო არჩევნები, კონკრეტულ საარჩევნო ოლქში, მაშინ მივიღებდი მონაწილეობას, რომ იმ “სხვის” მაგრობა დამემტკიცებინა ყველასთვის, მაგრამ სადაა მასე სიმართლე

კაცური ასეა!!!

ერთი სიტყვით, ყველა ერთგულ კაცს გაუმარჯოს, რომელიც სიკეთეს არ ივიწყებს. (წერტილი).”

რთული მისახვედრი არ არის, რომ დიტო სამხარაძე გიორგი გახარიას გულისხმობს. როგორც ჩანს, გიორგი გახარია ცუდად შემოუბრუნდება სხვებისთვის სახელების “შერქმევა”, იყო დრო, ინგა გრიგოლიას ირმას რომ ეძახდა, ამით ხარობდნენ მისი მეგობრები, ახლა კი, როგორც ჩანს, გახარიას ზედმეტსახელი “წერტილი” გახდა, “წერტილი”, როგორც დასასრული, თუ “წერტილი”, როგორც პატარა? – ვნახოთ!

მაგას თუ ხედავდით, რომ მთელი საქართველო აგინებდა და არა ნაწილი, მაგას თუ ხედავდით, რომ 0 იყო მისი რეიტინგი, რაღას აწინაურებდა, ბატონი ბიძინა? რაღაც აცმევდით, ვარცხნიდით და ბანდით?