„როცა მე გადავდექი, შეგნებულად წავედი ათონის მთაზე მარტო, რომ ერთგვარი დეტოქსი განმეცადა“ – ღარიბაშვილი

ირაკლი ღარიბაშვილმა „იმედზე“, გადაცემაში „ნოესთან“ განაცხადა:

„30 წლის ასაკში ვკურირებდი მთელ ძალოვან ბლოკს – მაშინ სამინისტრო იყო ერთიანი, შედიოდა სახელმწიფო უსაფრთხოების სამსახური, ყველა სამასხურები და ბუნებრივია, დიდია ცდუნება ახალგაზრდა 30 წლის ბიჭისთვის, როცა ნებისმიერ შენს თქმაზე საქმე კეთდება და შენს მითითებებს ასრულებენ, დიდი ცდუნებაა. ვფიქრობ, ეს არის ძალიან დიდი გამოცდა ადამიანისთვის.

პრემიერმინისტრად დანიშვნის შემდეგ მეც მქონდა თავბრუსხვევა, ძალაუფლება ცვლის ადამიანს და თუ შინაგანად არ გაქვს სიმყარე და ფუნდამენტი, რაზეც დგახარ, შენი წესები, მორალი, რაც განსაზვრავს შენს ქმედებას და მეგზურია შენს ცხოვრებაში, ძალიან რთულია გაუძლო ამ ძალაუფლების ცდუნებას. როცა მე გადავდექი, შეგნებულად წავედი ათონის მთაზე და შობას შევხვდი იქ, მარტო წავედი, რომ ერთგვარი დეტოქსი განმეცადა. ჩემს თავთან დავიწყე ჭიდილი, ბრძოლა გამოვუცხადე ჩემს თავს.“