ელისო ვირსალაძის მიერ მისი უმცროსი კოლეგის შესახებ გაკეთებულმა შეფასებამ დიდი აჟიოტაჟი გამოიწვია. მსოფლიოში ცნობილმა პიანისტმა “ვინ არის მთავარი პიანისტი”- ამ თემაზე Youtube არხზე ЕщёнеПознер-ს ვრცელი ინტერვიუ მისცა. სწორედ ამ ინტერვიუში კონკრეტულად ხატია ბუნიათიშვილზე დასმულ შეკითხვას მან ასეთი პასუხი გასცა.
„საშინელება… თქვენ პოპულარობის მიხედვით არჩევთ, ხომ… უდავოდ, ძალიან ნიჭიერია, მაგრამ რასაც ის აკეთებს, ეს საშინელებაა. მაქვს შეგრძნება, რომ განათლება აკლია. თუმცა დღევადელ დღეს ეს არ მიკვირს, რადგან ასე ბევრი უკრავს. ასეთი არასერიოზული დამოკიდებულება მიუღებლად მიმაჩნია. ეს ცუდია დამწყები პიანისტებისთვის, რომლებიც ამას უყურებენ და ჰგონიათ, რომ ასეა საჭირო” – განაცხადა პიანისტმა ხატიაზე.
ელისოს შეფასებას ცნობილი ქართველების კრიტიკა მოჰყვა.
დავით გერსამია: ამ ვითომ „მეტრებს“ ნეტავ ბოღმა არ მოკლავდეთ… საბჭოთა ინტელიგენცია.
გია როინიშვილი: შენ ეტყობა როსინის და ვერდის „სიყვარულის“ ამბავი არ გახსოვს… არც „საბჭოთა“ იყვნენ და არც „ინტელიგენტები“ ბოღმა ერთერთი უძველესი „პროფესიაა“ სამწუხაროდ და ძალიან „თანამედროვეც“.
სტეფანე მღებრიშვილი: ნავტალინის აბაზანები მოქმედებს ცუდად.
მაია დარსმელიძე: „გოსპაძი, თუ ოდესმე ასეთი სტარაя პერძя უნდა გავხდე, ეგრევე ამზიდე და ნუ დამაბერებ, ქთხოუ“.
პიანისტი დინი ვირსალაძე მამიდის მიმართ ატეხილ ნეგატიურ აჟიოტაჟს „პრაიმტაიმის“ მეშვეობით პასუხობს.
დინი ვირსალაძე: – ელისო ვირსალაძე მსოფლიო დონის საუკეთესო ათი პინისტის სიაშია შესული. ასეთი განძი გვყავს. იმიტომ კი არა, რომ ჩემი მამიდაა, ეს ფაქტია. ერთ საათიან ინტერვიუში, სადაც ყველა მისი სიტყვა სიბრძნე, ღრმა და ინტელექტუალურია, მეტი სხვა საინტერესო ვერაფერი ნახეს, რომ ეს მეასე ხარისხოვანი ნაწილი აქციეს მთავარ ამბად? ეს არის ჩვენი ტრაგედია. ყველას ვურჩევ ქალბატონი ელისო ვირსალაძის მთლიანი ინტერვიუ მოისმინოს.
– და თქვენი პოზიცია, როგორც პროფესიონალი პიანისტის, როგორია ბუნიათიშვილთან მიმართებაში?
– მე რა უნდა ვთქვა, როცა ასეთი გიგანტი აფასებს. ელისო 52 წლის მანძილზე მსოფლიოს სამი კონსერვატორიის – მიუნჰენის, ფლერენციის და მოსკოვის კონსერვატორიის პროფესორი გახლავთ. მოსკოვის კონსერვატორია მსოფლიოში საუკეთესოა. ასეთი მუსიკოსი რომ შეფასებას ამბობს, მასთან შედარებით მე ვინ ვარ, რომ რაღაც ვთქვა. ხატიაზე ამბობს ტალანტია, მაგრამ… და რასაც ამბობს. ერთია, რომ მას, როგორც შემსრულებელს, თაყვანისმცემლები ყავს და ღმერთმა გაუმარჯოს. ელისო ვინმეს ერჩის? ვინც ტალანტია, ყველაზე თქვა რომ ასეა. მით უმეტეს, ეკითხებიან კონკრეტულად, ხომ არ ჭორაობს? ერთმა ქალტონმა ძალიან კარგი კომენტარი მიაწერა, როცა ლომი კატას აკრიტიკებს, რა მოხდა, რა არის აქ გასაკვირიო. ცოტა დავაფასოთ ელისოსნაირი ადამიანები.
პრაიმტაიმი
კომენტარები