სუს-ის უფროსის ყოფილი პირველი მოადგილე, სოსო გოგაშვილი, ავრცელებს ვიდეოს და წერს:
“როგორ უნდა მიხვდე, რომ ყოფილი ზონდერი, ან თუნდაც ბიძინას, ბერას და მისი ოჯახის მაგინებელი გამოსწორდა და “ქართული ოცნების” ერთგულია?
პრინციპში რად გინდათ მიხვედრა? მაგინებლობა, როგორც პრაქტიკამ დაამტკიცა და აჩვენა პრივილეგიაა დაწინაურების დროს და არა პროფესიონალიზმი, პატრიოტიზმი, ერთგულება…
რა არის ის ნიშანი, რომლითაც ამას ხვდებით?
ან რა განსაკუთრებული თვისებები აქვთ იმ ადამიანებს, რომლებიც ამას ხვდებიან და ხელისგულზე ატარებენ მსგავს არსებებს?
მესამე უხილავი თვალი? სასწაულებრივი მგრძნობელობა? გამოცდილება?
მე ერთი რამ ვიცი, ის “ არსება”, რომელიც აწამებდა, დევნიდა, ავიწროვებდა, აშინებდა, ან კლავდა ყველა განსხვავებული აზრის მქონე ადამიანს. ან ყანწებით ადღეგრძელებდა მაგიდაზე შემხტარი და დუჟმორეული გაიძახოდა მიშა! მიშას! (უამრავი ფაქტობრივი მტკიცებულებაა ამისი) მუდამ მისი მეხოტბე იყო და არის, ის ვერასდროს გახდება ამ “გუნდის” ერთგული და უღალატო წევრი.
რა თქმა უნდა, თუ ამ გუნდმა არ შეიცვალა მთავარი პრინციპები და არ გახდა სხვა ღირებულებების მიმდევარი, რომლებიც ამ ზონდერებისთვის მისაღებია.
თუ ესეა მაშინ ჰო, მაშინ ჰო…მაშინ არ მიკვირს ეს ადამიანები, რატომ წინაურდებიან და ახლოვდებიან, ან უკვე დგანან მართვის სადავეებთან ყველა საკვანძო ადგილზე.
არ მითხრათ ეხლა კონკრეტიკა მოაყოლეო. აბსოლუტური უმრავლესობაა, მხოლოდ თითზე ჩამოსათვლელია სხვა დანარჩენი და მათ არავინ არაფერს არ ეკითხება. ისინიც რა ქნან ხელფასი აქვთ და უყურებენ ამ მარაზმს. თან გული ბოღმით უსკდებათ იგინებიან ფარულად, მოტეხილში
მეცოდებით მართლა გულწრფელად მეგობრებო.
მოვა დრო და ეს ყვარყვარეები ახალ მთავრობასთან მიდგებიან დაბურული მანქანებით და გატენილი გეგაბაიტებით…
ღირსეულებმა, განმარტოვებულებმა ჩაიხედეთ თქვენს გულებში და დაფიქრდით. ვარ თუ არა მართალი? თუ მართალი ვარ, მაშინ ზოგიერთს მაინც უნდა გეყოთ ვაჟკაცობა, რომ ამას თვალი გაუსწოროთ…და არა დახაროთ.
იფიქრეთ, იფიქრეთ…”
კომენტარები