ირანი მესამე ქვეყანაა ჩინეთისა და სამხრეთ კორეის შემდეგ, სადაც კორონავირუსით ყველაზე მეტი ადამიანი დაიღუპა. ბოლო მონაცემებით, ვირუსმა ქვეყანაში 92 ადამიანი იმსხვერპლა. ამის შესახებ BBC წერს.
სოციალურ ქსელებში სულ უფრო პოპულარული ხდება ირანელი ექიმებისა და ექთნების ვიდეოები, რომლებშიც ისინი ცეკვავენ და ამ გზით დაინფიცირებული პაციენტების გამხიარულებას ცდილობენ.
ინტერნეტში გავრცელებულ ვიდეოებს ასობით ათასი მოწონება და დადებითი კომენტარები მოჰყვა, თუმცა როგორი იქნება მთავრობის რეაქცია უცნობია, რადგან ირანის რელიგიური კანონების თანახმად, საზოგადოებრივ ადგილებში ცეკვა აკრძალულია.
კომენტარები