პარტია “საქართველოსთვის” პოლიტსაბჭოს წევრი, ნათია მეზვრიშვილი, “ტვ პირველთან” გიორგი გახარიას The New York Times-თან ნათქვამ ფრაზას: ““ძალაუფლება ერთი ადამიანის ხელშია კონცენტრირებული და ეს, რა თქმა უნდა, ბიძინაა”, ეხმაურება და ამბობს:
-როგორ წარმოგიდგენიათ, კობახიძე და ღარიბაშვილი, რომელბსაც ელემენტარულად უნარი არა აქვთ, საკუთარი აზრი, წვრილმან საკითხებზე დამოუკიდებლად დააფიქსირონ, აღარაფერს ვამბობ დამოუკიდებელ გადაწვეტილებებზე…
-არავინ არ იყო დამოუკიდებელი და გახარია იყო?, – ეკითხება მას ჟურნალისტი.
ნათია მეზვრიშვილი:
-გახარიაზე რამდენჯერაც უნდა მკითხოთ, გიპასუხებთ, რომ ამ ადამიანს ჰქონდა უნარი გადაწვეტილებები მიეღო დამოუკიდებლად. რისი უნარიც დღეს არც ერთს აქვს და არც მეორეს.
რაც შეეხება კობახიძეს და ღარიბაშვილს, ამ ადამიანებს საკუთარი აზრი არ გააჩნიათ, საუბარი ზედმეტია გადაწყვეტილების მიღებაზე. როგორ გგონიათ, ასეთი მეთოდებით, ერთპიროვნულად, მაფიოზური მეთოდებით მართვის უნარი აქვთ კობახიძეს და ღარიბაშვილს? გავიხსენოთ ივანიშვილის წერილი, რომელიც წინასაარჩევნოდ გამოქვეყნდა – პოლიტიკიდან წასული ივანიშვილის წერილი, რომელიც მიუძღვნა გიორგი გახარიას, გავიხსენოთ კობახიძის და ღარიბაშვილის განცხადებები, ციტირებები მოჰყავდათ პოლიტიკიდან წასული ადამიანის წერილიდან, ღიად ამბობდნენ, რომ ეს წერია წერილში და ვიმეორებთ. ფაქტი სახეზეა.
ვთანხმდებით იმაზე, რომ ამ ფაქტებიდან გამომდინარე ივანიშვილის გავლენა პოლიტიკაზე, არის ცალსახა.
კომენტარები