ქართული ოცების” დეპუტატი, ირაკლი ქადაგიშვილი:
“თუ ვინმეს ამ პერიოდში რაიმე, გარკვეული, ასე ვთქვათ, წყენა, ან ასეთი სულიერი ტკივილი მიადგა, ამა თუ იმ უნებლიე განცხადების გამო, ხელისუფლების წარმომადგენელმა ამაზე თქვა, რომ ბოდიში, იმიტომ, რომ ხელისუფლება ამას აღიქვამს, როგორც თავისი ხალხის ტრაგედიას და არა სხვის ტრაგედიას, გამომდინარე აქედან, ირაკლი კობახიძის ნაბიჯიც, ეს იყო, პირველ რიგში, როგორც ერთი ადამიანის ღირსეული ნაბიჯი და როგორც პოლიტიკოსის, ნაბიჯი, რომელმაც კიდევ ერთხელ გვაჩვენა, რომ ის არის ლიდერი”.
ირაკლი კობახიძემ გუშინ განაცხადა, რომ არ იცოდა ფოტო თუ რეალური იყო და არ იცოდა ის ისტორია, რასაც დათო ჯელაძე ჰყვებოდა, მან განახადა, რომ დარწმუნდა დათოს სიმართლეში და ბოდიში მოიხადა. კობახიძეს არ დაუზუსტებია, რატომ დასჭირდა ამდენი დრო, დათო ჯელაძის ისტორიის გადამოწმებაში, ან რატომ არ იყო უკვე გადამოწმებული, ან რატომ გაუჩნდათ გადამოწმების სურვილი, ისევე, როგორც არ უთქვამს, როგორ მოახერხა და არ იცოდა, თუ მართლა არ იცოდა, გადარჩენილთა ისტორიები, მათ შორის, გოგონაზე, რომელიც საათობით მარტო ებრძოდა მეწყერს და გადარჩა.
თუმცა, როგორც ქადაგიშვილი განმარტავს, ბოდიში მხოლოდ იმიტომ მოიხადა, რომ სულიერი ტკივილი მიადგათ ადამიანებს და არა იმიტომ, რომ არასწორი ინტერპრეტაცია მისცა გადარჩენილთა ფოტოებსა და ისტორიებს და ალბათ, ქადაგიშვილმა უკეთ იცის, გუნდის ლიდერი რას და რატომ ამბობს.
“სინანული მინდა გამოვხატო, რომ დათო ჯელაძეს გული ვატკინე” – კობახიძე
კომენტარები