100 საინვესტიციო ბიზნესის ფარგლებში შევიტანოთ ე.წ. რიყის დოქები, შეფასებულია სამხარაულის ექსპერტიზის ცენტრის მიერ და ღირს 95 მილიონი ლარი. სანამ არ გაიმართება აუქციონი, ჩვენ გვიჭირს თქმა, რამდენად ობიექტურია ეს ფასი. იმედი გვაქვს, რომ დაინტერესებული ბიზნეს ჯგუფები მოიძებნება, – ამის შესახებ ეკონომიკის მინისტრმა, ნათია თურნავამ მთავრობის სხდომის დასრულების შემდეგ განაცხადა.
„უახლოეს დღეებში ვაპირებთ, რომ საპრივატიზაციო ნუსხაში შევიტანოთ ე.წ რიყის დოქები. ამ ობიექტს გარკვეული მომზადება დასჭირდა.
მოგეხსენებათ, თავის დროზე საკმაოდ ძვირი დაჯდა რიყის ე.წ დოქების მშენებლობა. სამწუხაროდ, ამ ობიექტმა დღემდე იპოვა თავისი სწორი გამოყენება, თავისი ფუნქციონალი. არადა, ეს ობიექტი ძალიან თვალსაჩინო ადგილასაა განთავსებული, არის თბილისის შუაგულში, ტურისტებისთვის საინტერესო ადგილას, სადაც ბევრი ვიზიტორია. აქედან გამომდინარე, სწორია, ჩვენ შევეცადოთ ამ ჩვენი პრივატიზაციის გამჭირვალობის გზით ბიზნესთან პარტნიორობით ვიპოვოთ ამ ობიექტის სწორი გამოყენება. გავხადოთ მიმზიდველი და საინტერესო. საერთო ჯამში, უფრო ყაიარათიანად მოვიხმაროთ ის რესურსები, რაც ამ ობიექტის შექმნისთვის დაიხარჯა.
ობიექტის ღირებულება 95 მილიონი ლარით შეფასდა, რაც დამოკიდებულია იმაზე, რომ თავის დროზე დიდი თანხა დაიხარჯა. ჩვენ ამ გამჭირვალე აუქციონის გზით შევძლებთ, რომ გავტესტოთ რამდენად რელევანტურია ეს ფასი დღევანდელი საბაზრო მოთხოვნების მიმართ“, – ამბობს თურნავა.
კომენტარები